बजाज पल्सर एनएस400 झेड सादर

350 सीसी इंजिनसह बाजारात दाखल: एक्स-शोरूम किंमत 1.93 लाख रुपये

वृत्तसंस्था, नवी दिल्ली

बजाज ऑटोने नवीन पल्सर एनएस 400झेड ही मोटारसायकल 349 सीसी इंजिनसह सादर केली आहे. सरकारने लागू केलेल्या नवीन जीएसटी 2.0 नियमांचा फायदा घेण्यासाठी कंपनीने इंजिनची क्षमता कमी केली आहे. यामुळे बाईकची एकूण किंमत लक्षणीयरीत्या कमी झाली आहे. 2026 बजाज पल्सर एनएस 400झेडमधील सर्वात मोठे अपडेट तिच्या पॉवरट्रेनमध्ये आहे. पूर्वी यात 373सीसी इंजिन मिळत असे, पण आता ते 349सीसी पर्यंत कमी करण्यात आले आहे. बजाजने बोरचा आकार 89एमएम ठेवला आहे, पण स्ट्रोकची लांबी बदलली आहे. हे नवीन 349सीसी सिंगल-सिलेंडर, लिक्विड-कूल्ड इंजिन 40.6 पीएस पॉवर आणि 33.2 एनएम टॉर्क निर्माण करते. इंजिनला 6-स्पीड गिअरबॉक्स जोडलेला आहे. कंपनीचा दावा आहे की, पॉवरमध्ये थोडी घट झाली असली तरी, नवीन सेटअपमुळे अधिक चांगला अनुभव आणि जास्त मायलेज मिळेल.

वैशिष्ट्यो आणि तंत्रज्ञान.

क्विकशिफ्टर: बाय-डायरेक्शनल क्विकशिफ्टर आणि स्लिप-अँड-असिस्ट क्लच आहे.

रायडिंग मोड्स: ही बाईक रोड, रेन, स्पोर्ट्स आणि ऑफ-रोड अशा 4 रायडिंग मोड्ससह येते.

सुरक्षा: यामध्ये ड्युअल-चॅनल एबीएस आणि 320 मिमी/230 मिमी डिस्क ब्रेक्स मिळतात.

कनेक्टिव्हिटी: एलसीडी इन्स्ट्रुमेंट कन्सोलसोबत ब्लूटूथ कनेक्टिव्हिटी आणि टर्न-बाय-टर्न नॅव्हिगेशन आहे.

डायमेन्शन, कलर ऑप्शन्स

बाईकच्या सीटची उंची 807 मिमी आणि ग्राउंड क्लिअरन्स 168 मिमी आहे. तिचे एकूण वजन (कर्ब वेट) 174 किलो आहे आणि यामध्ये 12 लिटरची इंधन टाकी आहे.