आयुष शुक्लाचा नवा विक्रम

वृत्तसंस्था/ नवी दिल्ली

हाँगकाँगचा क्रिकेटपटू 21 वर्षीय आयुष शुक्लाने क्रिकेटच्या टी-20 प्रकारात आपली चारही षटके निर्धार टाकण्याचा नवा इतिहास नोंदविला. असा विक्रम करणाऱ्या आशिया खंडातील आयुष शुक्ला हा पहिला गोलंदाज आहे.

आयसीसीच्या पुरुषांच्या टी-20 विश्वचषक आशिया विभागीय पात्र फेरीच्या स्पर्धेतील मंगोलिया विरुद्धच्या सामन्यात हाँगकाँगतर्फे खेळताना शुक्लाने आपल्या 4 षटकात एकही धाव दिली नाही. यापूर्वी असा पराक्रम कॅनडाच्या साद बीन जाफरने तसेच न्यूझीलंडच्या लॉकी फर्ग्युसनने केला होता.