For the best experience, open
https://m.tarunbharat.com
on your mobile browser.
Advertisement

आता पेटीएमवर अॅक्सिस-येस बँकेचे युपीआय हँडल

06:11 AM Mar 16, 2024 IST | Tarun Bharat Portal
आता पेटीएमवर अॅक्सिस येस बँकेचे युपीआय हँडल

@ptyes आणि @ptaxis , @paytm ची जागा घेतील, एनपीसीआयची मंजुरी : लवकरच आणखी पर्याय

Advertisement

वृत्तसंस्था/ नवी दिल्ली

पेटीएमवर युपीआय सेवा प्रदान करण्यासाठी येस बँक आणि अॅक्सिस बँक लाइव्ह झाली आहे. ज्याचा वापर करून वापरकर्ते नवीन युपीआय हँडल तयार करू शकतात. आतापर्यंत पेटीएम अॅपवर युपीआय सेवा पेटीएम पेमेंट बँकेद्वारे उपलब्ध होती, परंतु या बँकेवर आरबीआयने बंदी घातली आहे.

Advertisement

आता पेटीएम अॅपवरील नवीन वापरकर्त्यांना @Paytm ऐवजी Bank @ptyes आणि अॅक्सिस बँक @ptaxis हँडल मिळणार आहे. अगोदरच  वापरकर्त्यांना विद्यमान @paytm हँडल बदलण्याचा पर्याय देखील मिळेल. सध्या 9 कोटी वापरकर्ते @paytm हँडल वापरत आहेत.

Advertisement

काल एनपीसीआयने पेटीएमला टीपीएपी मंजूरी दिली होती.

नॅशनल पेमेंट्स कॉर्पोरेशन

ऑफ इंडियाने पेटीएमची मूळ कंपनी वन 97 कम्युनिकेशन्स लिमिटेडला मल्टी-बँक मॉडेल अंतर्गत थर्ड-पार्टी अॅप्लिकेशन प्रोव्हायडर म्हणून युपीआय सेवा प्रदान करण्यासाठी मान्यता दिली होती.

अॅक्सिस बँक, एचडीएफसी बँक, स्टेट बँक ऑफ इंडिया आणि येस बँक पेमेंट सेवेला सक्षम करण्यासाठी पेटीएमच्या भागीदार बँका म्हणजेच पेमेंट सर्व्हिस प्रोव्हायडर म्हणून काम करतील. लवकरच स्टेट बँक आणि एचडीएफसी देखील युपीआय सेवेसाठी पेटीएमवर लाईव्ह होणार आहे.

देशातील सर्वात मोठी सरकारी बँक स्टेट बँक ऑफ इंडिया आणि सर्वात मोठी खासगी बँक एचडीएफसी देखील लवकरच पेटीएमवर युपीआय सेवेसाठी थेट जाणार आहे.

गुगलपे, फोनपे सारख्या अॅप्सची बँकांशी भागीदारी

गुगलपे, फोनपे सारखी युपीआय अॅप्स देखील थर्ड पार्टी अॅप्लिकेशन प्रदात्या आहेत. युपीआय सेवेसाठी त्यांची पेमेंट सर्व्हिस प्रोव्हायडर बँकांशी भागीदारी आहे. तथापि, पेटीएमला अद्याप बँक भागीदारीची आवश्यकता नव्हती, कारण पीपीबीएल स्वत: एक बँक आहे.

विजय शेखर शर्मा यांचा 26 फेब्रुवारीला राजीनामा

पेटीएमचे संस्थापक विजय शेखर शर्मा यांनी 26 फेब्रुवारी रोजी पेटीएम पेमेंट्स बँकेच्या संचालकपदाचा राजीनामा दिला आहे. ते बँकेचे अर्धवेळ बिगर-कार्यकारी अध्यक्ष होते. त्यांच्या राजीनाम्यानंतर बँकेचे नवे संचालक मंडळ स्थापन करण्यात आले आहे. पेटीएम पेमेंट्स बँक लवकरच नवीन अध्यक्ष नियुक्त करण्याची प्रक्रिया सुरू करणार आहे.

Advertisement
Tags :
×

.