हैदराबाद येथील प्रदर्शनाचा लाभ घ्या

मुद्रण असोसिएशनच्या मेळाव्यात आवाहन

बेळगाव : हैदराबाद येथे 9, 10 आणि 11 नोव्हेंबर रोजी भरणाऱ्या ‘ऑल इन प्रिंट’ या भव्य प्रदर्शनाचा सर्व मुद्रकांनी लाभ घ्यावा, असे आवाहन दि बेळगाव प्रेस ओनर्स असोसिएशनचे अध्यक्ष राजेंद्र भातकांडे यांनी केले. गुरुवारी रेडिओ कॉम्प्लेक्समधील मुद्रा भवनमध्ये प्रिंटर्सचा मेळावा आयोजित करण्यात आला होता. यावेळी ते अध्यक्षस्थानावरून बोलत होते. हैद्राबाद येथे भरणाऱ्या मुद्रण प्रदर्शनात नवीन यंत्रसामग्री आणि आधुनिक तंत्रज्ञानाबाबत माहिती दिली जाणार आहे. त्याचा लाभ घ्यावा, असे आवाहन त्यांनी केले आहे. यावेळी महाराष्ट्र मुद्रण परिषदेचे अध्यक्ष बाळासाहेब आंबेडकर उपस्थित होते. प्रारंभी उद्योगपती रतन टाटा यांच्या निधनाबद्दल श्रद्धांजली वाहण्यात आली. याप्रसंगी उपाध्यक्ष संतोष होर्तीकर, सचिव रघुनाथ राणे, नंदू देशपांडे, शिवाजी बाडीवाले, सुनील शानभाग, अनिल गोडसे, कृष्णा बाडीवाले, पांडुरंग बळी यासह मुद्रक बांधव बहुसंख्येने उपस्थित होते.