ऑडीने 37 इलेक्ट्रिक वाहने परत मागविली

ई-ट्रॉन जीटी, आरएस ई- ट्रॉन जीटीमध्ये त्रुटी : मोफत बदलणार पार्ट्स

नवी दिल्ली :

ऑडी इंडियाने 30 सप्टेंबर रोजी तांत्रिक बिघाडांमुळे त्यांच्या उच्च-कार्यक्षमतेची 37 वाहने परत मागवली आहेत. कंपनीच्या रिकॉलमध्ये 9 जानेवारी 2020 ते 12 जून 2024 दरम्यान उत्पादित ऑडी ई-ट्रॉन जीटी आणि आरएस ई-ट्रॉन जीटी या मॉडेल्सचा समावेश आहे. कंपनीने सोसायटी ऑफ इंडियन ऑटोमोबाईल मॅन्युफॅक्चरर्स (सियाम) ला सांगितले की, परत मागवलेल्या वाहनांमध्ये समोरच्या एक्सलवर ब्रेक नळी खराब झाल्याची तक्रार आहे.

समोरचा ब्रेक निकामी झाल्याचा संशय रिकॉल दस्तऐवजांमध्ये असे नमूद केले आहे की, स्टीयरिंग व्हीलच्या सतत वापरामुळे कालांतराने घर्षण समोरच्या ब्रेक होसेस (केबल) खराब करू शकते. यामुळे संलग्नक बिंदूजवळ क्रॅक होऊ शकतात.

या दोषामुळे, ब्रेक फ्लुइडची गळती होऊन समोरचा ब्रेक निकामी होऊन अपघात होऊ शकतो. इलेक्ट्रिक कारच्या डिजिटल इन्स्ट्रुमेंट क्लस्टरवर ब्रेक फ्लुइडची पातळी तपासण्यासाठी अलर्ट देखील उपलब्ध असेल. मात्र, या काळात मागील ब्रेक काम करतील.