अॅस्टोन व्हिला शेवटच्या चार संघात

वृत्तसंस्था / लंडन

प्रीमियर लीग फुटबॉल स्पर्धेतील येथे खेळविण्यात आलेल्या सामन्यात अॅस्टोन व्हिलाने लिड्स युनायटेडचा 2-1 अशा गोलफरकाने पराभव करत शेवटच्या चार संघात स्थान मिळविले आहे.

या सामन्यात अॅस्टोन व्हिला संघातील हुकमी स्ट्रायकर मॉर्गन रॉजर्सने दोन गोल नोंदविले. रॉजर्सने 42 व्या मिनिटाला तसेच 75 व्या मिनिटाला गोल कले. सामन्यातील आठव्या मिनिटाला लुकास निमेच्याने लिड्सचे खाते उघडले होते. या स्पर्धेच्या गुणतक्त्यात आता अॅस्टोन व्हिलाने 21 गुणांसह चौथे स्थान मिळविले आहे तर या सामन्यातील पराभवामुळे लिड्सचा संघ गुणतक्त्यात शेवटून तिसऱ्या स्थानावर आहे.