Assam Vidhan Sabha आसामच्या विधानसभेचं कामकाज आता हिंदीतूनही, ६ जुलैपासून होणार अंमलबजावणी

आसाम विधानसभेने शासकिय कामकाजासाठी अधिकृत भाषा म्हणून हिंदीचा समावेश केला आहे. मिळालेल्या माहितीनुसार आसाम राज्यात हिंदी भाषेचा वापर पहिल्यांदाच करण्यात येत आहे. 

आसाम विधानसभेचे अधिवेशन ६ जुलैपासून

६ जुलैपासून आसाम विधासभेचे पावसाळी अधिवेशन सुरु होणार असून या दिवसापासून आसामच्या विधानसभेत हिंदीचा वापर अधिकृतपणे सुरु करण्यात येणार असल्याची माहिती आसाम विधानसभेचे अध्यक्ष रणजीत कुमार यांनी दिली. हा उपक्रम सभापती रणजित कुमार दास यांच्या नेतृत्वाखाली सुरू झाला. आसामी, इंग्रजी आणि बोडो या भाषांसोबतच, १६ व्या आसाम विधानसभेच्या अर्थसंकल्पीय अधिवेशनाचा पहिला दिवस, ६ जुलैपासून हिंदीचाही कामकाजात अधिकृतपणे समावेश केला जाईल.