एशियन पेन्ट्सचा नफा 24 टक्क्यांनी घसरणीत

1,170 कोटीवर महसूल : पहिल्या तिमाहीमधील अहवाल सादर

वृत्तसंस्था /मुंबई

एशियन पेन्ट्स लिमिटेडने आर्थिक वर्ष 2024 च्या पहिल्या तिमाहीत 1,170 कोटी रुपयांचा निव्वळ नफा नोंदवला आहे. कंपनीने आर्थिक 2025 च्या पहिल्या तिमाहीचे निकाल जाहीर केले. वार्षिक आकडेवारी पाहिल्यास नफा 24.5 टक्के किंवा त्यापेक्षा कमी आहे. एक वर्षापूर्वी कंपनीला 1,550.4 कोटींचा निव्वळ नफा झाला होता. या कालावधीत, कंपनीचा महसूल 2.32 टक्केच्या घसरणीनंतर 8,969.73 कोटी रुपये होता. एका वर्षापूर्वी याच तिमाहीत कंपनीने 9,182.31 कोटी रुपयांची कमाई केली होती. कंपनीने तिमाही आधारावर निव्वळ नफ्यात 6.90 टक्के घट नोंदवली आहे.

त्याच वेळी, कंपनीच्या निव्वळ नफ्यात एप्रिल-जूनमध्ये तिमाही आधारावर म्हणजेच जानेवारी-मार्च 2024 च्या तुलनेत 6.90टक्केने घट झाली आहे. आर्थिक वर्षाच्या चौथ्या तिमाहीत कंपनीला 8,730.76 कोटी रुपयांचा निव्वळ नफा झाला होता. एशियन पेंट्सच्या समभागात गेल्या 6 महिन्यात 8.46 टक्के आणि एका वर्षात 14.23 टक्क्यांनी घट झाली आहे. फक्त या वर्षी विचार केल्यास 1 जानेवारीपासून आतापर्यंत एशियन पेंट्समध्ये 12.61 टक्क्यांची घसरण राहिली आहे. यावेळी कंपनीचे बाजारमूल्य 2.85 लाख कोटी रुपये आहे.