पुण्यातील आर्मी इन्स्टिट्यूट ऑफ कार्डिओ-थोरॅसिक सायन्सेसमध्ये भारतीय लष्कराच्या डॉक्टरांनी एका दुर्मिळ आणि उच्च-जोखमीची शस्त्रक्रिया केली. मिळालेल्या माहितीनुसार ९ महिन्यांच्या बाळाचा जीव वाचवण्यासाठी डॉक्टरांनी ब्रॉन्कोस्कोपिक शस्त्रक्रिया केली. अत्यंत गुंतागुंतीची आणि नाजूक अशी ही शस्त्रक्रिया डॉक्टरांनी यशस्वीरित्या पूर्ण केली आहे.
फुप्फुसात अडकला होता एलईडी बल्ब
पुण्यातील एआयसीटीएस (AICTS) येथील तज्ज्ञांनी, भारतीय लष्कराने "अत्यंत गुंतागुंतीची प्रक्रिया" असे वर्णन केलेल्या प्रक्रियेद्वारे, बाळाच्या डाव्या फुफ्फुसाच्या श्वासनलिकेत अडकलेला एलईडी बल्ब काढला .
"पुण्यातील आर्मी इन्स्टिट्यूट ऑफ कार्डिओ-थोरॅसिक सायन्सेस (#AICTS) येथील तज्ज्ञांनी एका अत्यंत गुंतागुंतीच्या ब्रॉन्कोस्कोपिक प्रक्रियेद्वारे डाव्या फुफ्फुसाच्या श्वासनलिकेत खोलवर अडकलेला, गंजरोधक तारांसहित एक धोकादायक एलईडी बल्ब काढून ९ महिन्यांच्या बाळाचा जीव यशस्वीरित्या वाचवला," असे भारतीय लष्कराच्या दक्षिण कमांडने X वरील एका पोस्टमध्ये म्हटले आहे.
या शस्त्रक्रियेबद्दल बोलताना डॉक्टरांनी सांगितले की ही एक “जीवघेणी आपत्कालीन परिस्थिती” होती, ज्यामध्ये श्वासनलिका बंद पडण्याचा आणि फुफ्फुसांवर मोठी शस्त्रक्रिया होण्याचा धोका होता. परंतु, दक्षिण कमांडने सांगितले की, डॉक्टरांनी “अत्यंत अचूकतेने” ही प्रक्रिया पार पाडून बाळाचा श्वासोच्छ्वास पूर्ववत केला आणि “कोणत्याही गुंतागुंतीशिवाय संभाव्य प्राणघातक परिणाम” टाळला.
दक्षिणी कमांडने नऊ महिन्यांच्या बाळाच्या फुफ्फुसातून काढण्यात आलेल्या तारांसहितच्या लहान एलईडी बल्बची छायाचित्रे, तसेच अवयवाच्या ज्या भागात ती वस्तू अडकली होती, त्या भागाचे आधीचे आणि नंतरचे एक्स-रे देखील शेअर केले.
गुंतागुंतीच्या शस्त्रक्रियेनंतर सोशल मीडिया वापरकर्त्यांनी लष्करी डॉक्टरांच्या अचूकतेची आणि प्रशिक्षणाची प्रशंसा केली, एका पोस्टमध्ये तर त्यांना “खऱ्या आयुष्यातील नायक” असे संबोधण्यात आले.
.
