अपक्ष उमेदवार अर्चना घारेंनी भालावल येथून फोडला प्रचाराचा नारळ

सावंतवाडी । प्रतिनिधी

सावंतवाडी मतदारसंघातील अपक्ष उमेदवार सौ अर्चना घारे- परब यांनी आज सकाळी त्यांच्या प्रचाराची सुरुवात आपल्या भालावल येथील श्री देवी सातेरी देवीला श्रीफळ ठेवून सर्व देव देवतांचे आशिर्वाद घेऊन केला. यावेळी भालावल , कोनशी , सरमळे , नांगरतास , दाभिल , असणीये येथील सर्व मानकरी ग्रामस्थ मंडळी व कार्यकर्ते मोठ्या संख्येने उपस्थित होते.तसेच या नंतर कोनशी , तांबोळी , असनीये , घारपी , फुकेरी , वाफोली , विलवडे , सरमळे , ओटवणे आदी गावातील सर्व ग्रामस्थ, महिला यांनी मोठ्या संख्येने उपस्थित राहून विजयाचा विश्वास व्यक्त करत अर्चना घारे परब यांना शुभेछा दिल्या.