अॅपलचा पहिला फोल्डेबल आयफोन लाँच

तीन लाख रुपयांमध्ये हा आयफोन उपलब्ध होणार

नवी दिल्ली :  मागील काही काही वर्षांपासून स्मार्टफोनच्या बाजारपेठेत फोल्डेबल फोन्सची लोकप्रियता वाढत आहे. सॅमसंग आणि इतर कंपन्यांनी यापूर्वी या क्षेत्रात मोठी गुंतवणूक केली आहे, पण अॅपल आतापर्यंत यापासून दूर राहिले होते. आता अॅपलने अखेर आपला पहिला फोल्डेबल आयफोन लाँच केला आहे. कंपनीने त्याचे नाव आयफोन ड्युओ ठेवले आहे. हा फोन बंद असताना सामान्य स्मार्टफोनसारखा दिसतो आणि उघडल्यावर एका मोठ्या क्रीनमध्ये बदलतो. अॅपलने याचे वर्णन केवळ डिझाइनमधील बदल नसून, आयफोन वापरण्याच्या पद्धतीतील एक मोठा बदल असे केले आहे.

आयफोन ड्युओची भारतातील सुरुवातीची किंमत 2,99,900 निश्चित करण्यात आली आहे. हा फोन 256 जीबी स्टोरेजपासून सुरू होतो आणि यात 2 टीबीपर्यंत स्टोरेज वाढवण्याचा पर्याय आहे. अॅपलने याला आपल्या प्रीमियम आयफोन पोर्टफोलिओमधील सर्वात महागड्या आणि विशेष उपकरणांमध्ये स्थान दिले आहे. आयफोन ड्युओसाठी भारतात प्री-ऑर्डर 16 ऑक्टोबरपासून सुरू होतील. याची विक्री 23 ऑक्टोबर 2026 पासून सुरू होईल. म्हणजेच, आयफोन 18 प्रो सिरीजच्या तुलनेत, फोल्डेबल मॉडेल सुमारे एक महिना उशिरा बाजारात येणार असल्याची माहिती आहे.

 उघडणारी 7.6 इंचाची मोठी क्रीन

आयफोन ड्युओचे सर्वात मोठे आकर्षण म्हणजे त्याचा फोल्डेबल डिस्प्ले. जेव्हा फोन बंद असतो, तेव्हा त्याला 5.4-इंचाची बाह्य क्रीन मिळते. फोन उघडल्यावर, डिव्हाइस 7.6-इंचाच्या अंतर्गत क्रीनमध्ये बदलते. अॅपलच्या मते, आयफोनमध्ये आतापर्यंत दिलेली ही सर्वात मोठी क्रीन आहे. दोन्ही डिस्प्ले प्रमोशन आणि ऑलवेज-ऑन डिस्प्ले सपोर्ट देतात. कंपनीने क्रीनवरील सुरकुत्या कमी करण्यासाठी नवीन तंत्रज्ञानाचा वापर केला आहे. फोन उघडल्यावर, त्याची जाडी सुमारे 5.2 मिमी असल्याचे सांगितले जाते.

यामध्ये ए20 प्रो चिप असेल

आयफोन ड्युओ अॅपलच्या नवीन ए20 प्रो चिपसोबत आला आहे. हे 2 एनएम  तंत्रज्ञानावर आधारित आहे आणि यात 32-कोर न्यूरल इंजिन आहे. कंपनीने मोठ्या डिस्प्लेसह मल्टीटास्किंग आणि एआय-संबंधित कामांना गती देण्यावर विशेष भर दिला आहे.

फोल्डेबल फोनच्या दोन्ही भागांमध्ये प्रत्येकी एक बॅटरी

आयफोन ड्युओमध्ये अॅपलने त्याचे सॉफ्टवेअर फोल्डेबल क्रीननुसार डिझाइन केले आहे. फोन फोल्ड करून युझर एकाच वेळी दोन अॅप्स चालवू शकतो. म्हणजेच, एका बाजूला व्हिडिओ कॉल किंवा मीटिंग आणि दुसऱ्या बाजूला मेसेजसारखे इतर अॅप्स वापरता येतात.