ईशा, अनिश यांचा दुसरा विजय

ईशा, अनिश यांचा दुसरा विजय

 वृत्तसंस्था/ नवी दिल्ली/भोपाळ

ऑलिम्पिक स्पर्धेसाठीच्या येथे सुरु असलेल्या दुसऱ्या निवड चाचणीत नेमबाजी स्पर्धेत भारताचे नेमबाज ईशा सिंग आणि अनिश भनवाला यांनी अनुक्रमे महिला आणि पुरूषांच्या 25 मी. रॅपिड फायर पिस्तुल नेमबाजी प्रकारात आपला सलग दुसरा विजय नोंदविला.

अनिश भनवालाने दिल्ली येथे झालेल्या पहिल्या निवड चाचणी स्पर्धेत पहिले स्थान मिळविले होते. तर महिलांच्या 10 मी. एअर पिस्तुल नेमबाजीत ईशा सिंगने दुसऱ्या चाचणीमध्ये पहिले स्थान मिळविले. ईशाने यापूर्वी महिलांच्या 25 मी. पिस्तुल नेमबाजीत पहिले स्थान घेतले होते. मनू भाकरला दुसऱ्या स्थानावर समाधान मानावे लागले. पुरूषांच्या 25 मी. रॅपिड फायर पिस्तुल नेमबाजी प्रकारात अनिश भनवाला पहिले स्थान पटकाविले. विजयवीरने दुसरे स्थान मिळविले.