वेंकटेश यांच्या नव्या चित्रपटाची घोषणा

दक्षिणेतील सुपरस्टार वेंकटेश दग्गुबाती आणि अभिनेत्री श्रीनिधी शेट्टीच्या चाहत्यांसाठी मोठी खूशखबर आहे. त्यांचा आगामी चित्रपट ‘आदर्श कुटुंबम हाउस नंबर 47’च्या प्रदर्शनाची तारीख जाहीर करण्यात आली आहे. वेंकटेश यांचा हा चित्रपट यंदाच प्रदर्शित होणार आहे. या चित्रपटाचे पोस्टर जारी करण्यात आले आहे. हा चित्रपट 2 ऑक्टोबर रोजी प्रदर्शित होणार आहे. या चित्रपटाचे दिग्दर्शन त्रिविक्रम श्रीनिवास करत आहेत. याच्या माध्यमातून वेंकटेश आणि त्रिविक्रम यांची जोडी दीर्घकाळानंतर पुन्हा एकत्र आली आहे. हा एक अॅक्शन, कॉमेडी, थ्रिलरपट असेल. वेंकटेश सध्या ‘वेंकीअनिल5’च्या चित्रिकरणात व्यग्र आहेत. दिग्दर्शक अनिल रविपुडी यांच्यासोबतच्या या चित्रपटात नंदमुरी कल्याण राम, कीर्ति सुरेश आणि कृति शेट्टी मुख्य भूमिकेत दिसून येतील. वेंकटेशन यांना अलिकडेच ‘माना शंकरवाराप्रसाद गारू’मध्ये पाहिले गेले होते, हा चित्रपट बॉक्स ऑफिसवर सुपरहिट ठरला होता. या चित्रपटात त्यांच्यासोबत नयनतारा आणि चिरंजीवी हे कलाकार दिसून आले होते.