‘चांद मेरा दिल’मध्ये अनन्या पांडे

करण जौहरकडून पुन्हा संधी

करण जौहरने स्वत:च्या नव्या चित्रपटाची घोषणा केली आहे. या चित्रपटात अनन्या पांडे दिसून येणार आहे. यात तिच्यासोबत लक्ष्य हा कलाकार मुख्य भूमिकेत असणार आहे. या चित्रपटाचे पहिले पोस्टर शेअर करण्यात आले आहे. हा चित्रपट पुढील वर्षी प्रदर्शित होणार आहे.

या चित्रपटाचे नाव ‘चांद मेरा दिल’ असेल. आम्ही एक अत्यंत प्रेमळ आणि भावुक प्रेम कहाणी आणणार आहोत. प्रेमात काहीसे वेडे व्हावेच लागते असे करण जौहरने पोस्टरच्या कॅप्शनदाखल नमूद केले आहे.

या चित्रपटाचे दिग्दर्शन विवेक सोनी करणार आहे. अनन्या पांडेचा मागील चित्रपट कंट्रोल हा ओटीटीवर प्रदर्शित झाला होता. तर लक्ष्य हा स्वत:चा चित्रपट ‘किल’वरुन अत्यंत लोकप्रिय झाला आहे. अॅक्शनने भरपूर हा चित्रपट प्रेक्षकांना पसंत पडला होता. अनन्या ही करण जौहरची आवडती स्टारकिड असल्याने त्याने तिला अनेक चित्रपटांमधून संधी दिली आहे. अनन्याला बॉलिवुडमध्ये अद्याप स्वत:चे स्थान निर्माण करता आलेले नाही.