31 ऑक्टोबरला झळकणार ‘अमरन’

सैन्याधिकाऱ्याच्या भूमिकेत शिवकार्तिकेयन

दाक्षिणात्य अभिनेता शिवकार्तिकेयनचा आगामी चित्रपट ‘अमरन’चा ट्रेलर निर्मात्यांनी जारी केला आहे. चित्रपटात मेजर मुकुंद वरदराजन या मुख्य भूमिकेत शिवकार्तिकेयन दिसून येणार आहे. भारतीय सैन्याच्या ‘44 राष्ट्रीय रायफल्स’ चीता कंपनीचे नेतृत्व करणाऱ्या सैनिकाचे जीवन आणि त्याच्या महान बलिदानाची कहाणी यात दाखविण्यात आली आहे. सई पल्लवी देखील यात महत्त्वाच्या भूमिकेत आहे.

शिवकार्तिकेयनचा हा चित्रपट 31 ऑक्टोबर रोजी प्रदर्शित होणार आहे. चित्रपटाच्या ट्रेलरच्या प्रारंभी मेजर मुकुंद यांचा संवाद आहे, यात ‘तुम्ही 44 आरआरला निवडत नाही, तर 44 आरआर तुम्हाला निवडत असते’ असे म्हटले गेले आहे. सई पल्लवीने यात मेजर मुपुंद यांच्या पत्नीची भूमिका साकारली आहे.  ते एक सैन्याधिकारी असल्याने मला त्यांच्याबद्दल गर्व आहे आणि मी एक आर्मी वाइफ आहे असा संवाद तिच्या तोंडी आहे.