अल्साकेन नाईटस् आघाडीवर

वृत्तसंस्था / लंडन

येथे सुरू असलेल्या ग्लोबल बुद्धिबळ लीग सांघिक स्पर्धेत भारतीय बुद्धिबळपटू निहाल सरीनच्या शानदार कामगिरीच्या जोरावर पीबीजी अल्साकेन नाईटस्ने दुसऱ्या दिवसाअखेर 9 गुणासह आघाडीचे स्थान मिळविले आहे. या स्पर्धेच्या दुसऱ्या दिवशी जागतिक बुद्धिबळ क्षेत्रातील टॉपसिडेड बुद्धिबळपटू मॅग्नस कार्लसनला अलिरेझा फिरोजाकडून पराभवाचा धक्का सहन करावा लागला. अल्साकेन नाईटस्ने आपले तिन्ही सामने जिंकून 9 गुण मिळवित पोलपोझिशन पटकाविले. अल्साकेन नाईटस्ने पहिल्या सामन्यात मुंबा मास्टर्सचा 8-5 असा पराभव केला. भारतीय बुद्धिबळपटू निहाल सरीनने मुंबा मास्टर्सच्या खेळाडूवर विजय मिळवित आपल्या संघाचे स्थान अधिकच मजबूत केले.