सेल्फफोर्सकडून एआय कौशल्य प्रशिक्षण

जून 2026 पर्यंत तब्बल एक लाख तरुणांना एआयचे प्रशिक्षण देणार

वृत्तसंस्था/ नवी दिल्ली

युवाएआय-किंवा ‘युवा फॉर अॅडव्हान्समेंट अँड डेव्हलपमेंट विथ ‘आय’ कार्यक्रम हा एक देशव्यापी एआय कौशल्य उपक्रम आहे ज्याचा उद्देश देशभरातील विद्यार्थ्यांना भविष्यासाठी तयार करणे हा असणार आहे.

जागतिक सॉफ्टवेअर कंपनी सेल्सफोर्सने जून 2026 पर्यंत भारतातील 1,00,000 प्रशिक्षणार्थींना प्रशिक्षित करण्याचे उद्दिष्ट ठेवले आहे, अशी घोषणा केली आहे. टॅलेंट डेव्हलपमेंट आणि एज्युकेशन कंपनी स्मार्टब्रिजसोबत भागीदारीत, सेल्सफोर्स ‘युवाएआय इंडिया: जेनएआय स्किल्स कॅटॅलिस्ट’ कार्यक्रमांतर्गत कृत्रिम बुद्धिमत्ता (एआय) कौशल्ये प्रदान करणार आहे.

या कार्यक्रमांतर्गत, कंपन्या मध्यम आकाराच्या आणि लहान शहरांमधील विद्यार्थ्यांवर लक्ष केंद्रित करतील, शैक्षणिक संस्था आणि उद्योगांना लक्ष्य करतील. सेल्सफोर्सच्या मोफत ऑनलाइन लर्निंग प्लॅटफॉर्म, ट्रेलहेडद्वारे हा कार्यक्रम विद्यार्थ्यांना तज्ञांसोबत थेट सत्रांद्वारे आणि स्वयं-वेगवान शिक्षणासाठी मिश्रित अभ्यासक्रमाद्वारे प्रत्यक्ष अनुभव प्रदान करेल. पूर्ण झाल्यानंतर, सहभागींना एआय-संचालित व्यवसाय अनुप्रयोगांमध्ये त्यांची कौशल्ये प्रमाणित करणारे डिजिटल प्रमाणपत्रे मिळतील. याप्रसंगी बोलताना, कविता भाटिया, माहिती तंत्रज्ञान मंत्रालय आणि इंडिया एआय मिशनच्या सीओओ म्हणाल्या, ‘भारताचे तरुण हे आपल्या एआय भविष्यामागील प्रेरक शक्ती आहेत. इंडिया एआय मिशन अंतर्गत युवाएआय कार्यक्रमाद्वारे, आम्ही योग्य कौशल्ये प्रदान कऊ.