आद्या बहेती, राजदीप विश्वास विजेते

वृत्तसंस्था / बडोदा

विश्व टेबल टेनिस फेडरेशनच्या येथे सुरू असलेल्या युथ कंटेंडर टेबल टेनिस स्पर्धेत 11 वर्षांखालील वयोगटात मुलांच्या एकेरीचे जेतेपद राजदीप विश्वासने तर मुलींच्या एकेरीचे विजेतेपद आध्या बहेतीने पटकाविले.

मुलींच्या 11 वर्षांखालील वयोगटातील झालेल्या एकेरीच्या अंतिम सामन्यात आध्या बहेतीने साक्ष्या संतोषचा 15-13, 11-8, 12-10 असा पराभव केला तर मुलांच्या विभागातील अंतिम सामन्यात राजदीप विश्वासने शार्वील करंबळकरचा 11-8, 11-6, 11-13, 11-4 असा पराभव करत विजेतेपद मिळविले. सदर स्पर्धा गुजरातच्या क्रीडा प्राधिकरण मंडळ आणि बडोदा टेबल टेनिस संघटना यांच्या संयुक्त विद्यमाने घेतली गेली आहे. या स्पर्धेमध्ये विविध राज्यांतील 226 स्पर्धकांनी आपला सहभाग दर्शविला.

मुलांच्या 15 वर्षांखालील वयोगटात विवान दवेने रिशान चटोपाध्यायवर 9-11, 11-9, 11-6, 11-3 अशी मात करत उपांत्य फेरीत प्रवेश मिळविला. दवेचा उपांत्यपूर्व फेरीचा सामना रुद्र जेनाशी होणार आहे. रुद्र जेनाने देव प्रणव भट्टचा 11-4, 11-8, 11-5 असा पराभव करत पुढील फेरीत स्थान मिळविले. मुलींच्या 15 वर्षांखालील वयोगटात टॉप सिडेड अंकोलिका चक्रवर्तीने तसेच तनिष्का काळभैरव आणि नैशा रेवास्करने शेवटच्या 8 खेळाडूंत स्थान मिळविले आहे.