आदित्य ठाकरेंची थोड्याच वेळात सावंतवाडीत सभा

ठाकरे शैलीत मंत्री केसरकरांवर काय बोलणार ? सावंतवाडीकरांना उत्सुकता 

सावंतवाडी ।प्रतिनिधी

महाविकास इंडिया आघाडीचे रत्नागिरी - सिंधुदुर्ग लोकसभा मतदारसंघाचे उमेदवार खासदार विनायक राऊत यांच्या प्रचारार्थ सावंतवाडी गांधी चौक येथे प्रचाराच्या अंतिम टप्प्यात युवासेना प्रमुख आदित्य ठाकरे यांची जाहीर प्रचार सभा अवघ्या थोड्या वेळातच सायंकाळी ६ वाजता सुरू होणार आहे. सावंतवाडी विधानसभा मतदारसंघात प्रचारार्थ ही पहिलीच सभा आहे. आतापर्यंत महाविकास आघाडी आणि महायुती या दोन्ही पक्षांच्या प्रचार सभा या मतदारसंघात झाल्या नाहीत. मात्र डोअर टू डोअर प्रचारावर भर देण्यात आला आहे. मात्र प्रचाराच्या अंतिम टप्प्यात महाविकास आघाडीने आज शनिवारी श्री ठाकरे यांची प्रचार सभा घेऊन प्रचाराचा समारोप या जाहीर प्रचार सभेने करणार आहेत. या प्रचार सभेत राज्याचे शालेय शिक्षण मंत्री दीपक केसरकर यांच्यावर आदित्य ठाकरे ठाकरे शैलीत काय बोलतात याकडे सर्वांचे लक्ष लागून आहे.