अदिती पोहनकरचे 10 लाख फॉलोअर्स
इन्स्टाग्रामवर अभिनेत्रीने गाठला पल्ला
एमएक्स प्लेयरची वेबसीरिज ‘आश्रम’द्वारे ओळख निर्माण करणारी अदिती पोहनकर सोशल मीडियावर देखील लोकप्रिय आहे. अदितीच्या अभिनयाला नेटफ्लिक्सची वेबसीरिज ‘शी’ने नवी उंची मिळवून दिली. या सीरिजचा दुसरा सीझन अलिकडेच प्रदर्शित झाला आहे. या सीरिजनंतर अदितीच्या फॅन फॉलोइंगमध्ये मोठी वाढ झाली आहे. इन्स्टाग्रामवर तिने 1 दशलक्ष फॉलोअर्सचा पल्ला गाठला आहे.
फॉलोअर्ससोबत स्वतःचा आनंद व्यक्त करण्यासाठी अदितीने एक व्हिडिओ शेअर केला आहे. इन्स्टाग्रामवर मी अधिक सक्रीय नाही हे सत्य आहे. परंतु पहिल्यांदाच मी स्वतःला इन्स्टाग्रामचा वापर अधिक करण्यासाठी बजावले आहे. दररोज सकाळी तुम्ही माझ्याबद्दल काय विचार करता हे पाहण्यासाठी इन्स्टाग्रामवर येत असल्याचे तिने म्हटले आहे.
10 लाखाच्या संख्येपेक्षा मी यासाठी अधिक आनंदी आहे की इन्स्टाग्रामद्वारे तुम्हा सर्वांना पाहू शकते. मी अत्यंत सुदैवी असून इन्स्टाग्रामवर सदैव तुम्हाला भेटत राहिन असे तिने नमूद केले आहे. शी या सीरिजचा दुसरा सीझन अलिकडेच स्ट्रीम करण्यात आला होता आणि याला मोठी पसंती मिळाली होती. अदिती या शोमध्ये एका पोलीस कॉन्स्टेबलच्या भूमिकेत आहे.