अदानींची संपत्ती 100 अब्ज डॉलरच्या घरात

एनडीचे सरकार पुन्हा स्थापन होण्याच्या अंदाजामुळे अदानी सावरले

वृत्तसंस्था /नवी दिल्ली

गौतम अदानी यांना 4 जून रोजी, लोकसभा निवडणूक 2024 च्या निकालाच्या दिवशी मोठा धक्का बसला होता. ज्यामध्ये त्यांना 24.9 अब्ज डॉलरचे नुकसान झाले होते. मात्र बुधवारी नरेंद्र मोदी यांचे देशात तिसऱ्यांदा सरकार स्थापन होणार असल्याची बातमी आल्यानंतर त्यांनी जोरदार पुनरागमन केले आहे. बुधवारी, अदानी समूहाच्या अनेक समभागांनी शेअर बाजारात तेजी आणली, त्यानंतर गौतम अदानी पुन्हा एकदा 100 अब्ज डॉलरच्या पंगतीत जाऊन बसले आहेत.

 पुन्हा एकदा 100 अब्ज डॉलर्समध्ये समावेश

निवडणूक निकालानंतर एका दिवसानंतर, बुधवारी, गौतम अदानी यांच्या एकूण संपत्तीत 5.59 अब्जची वाढ झाली आहे, त्यानंतर ते जगातील 14 वे सर्वात श्रीमंत व्यक्ती बनले आहेत. त्यांची एकूण संपत्ती 103 अब्ज डॉलर्सच्या पुढे गेली आहे. त्याच वेळी, जर आपण आशियातील सर्वात श्रीमंत व्यक्तीबद्दल बोललो तर, रिलायन्स समूहाचे मालक मुकेश अंबानी 109 अब्ज डॉलर संपत्तीसह पहिल्या क्रमांकावर आहेत, तर गौतम अदानी दुसऱ्या स्थानावर आहेत. बुधवारी मुकेश अंबानी यांच्या संपत्तीत 2.20 अब्ज डॉलरची वाढ नोंदवली गेली. मंगळवारी अदानी समूहाचे शेअर्स 18 टक्क्यांनी घसरले होते. भाजप आघाडीला 272 पेक्षा जास्त जागा मिळतील असा अंदाज 4 जूनच्या सुरुवातीच्या ट्रेंडनंतर दिसला. याच्या एक दिवस आधी, सोमवारी, एक्झिट पोलमध्ये भाजप सरकार स्थापन झाल्यानंतर, अदानी समूहाच्या शेअरमध्ये विक्रमी उडी दिसली, त्यानंतर तो 100 अब्ज क्लबमध्ये सामील झाला. रिलायन्सचे शेअर्सही 10 टक्क्यांनी घसरले. 4 जून रोजी रिलायन्स ग्रुपच्या कंपन्यांचे शेअर्स 10 टक्क्यांनी घसरल्याने गुंतवणूकदारांचे मोठे नुकसान झाले आहे.