अभिनेत्री रेश्मा शिंदे ने बांधली साता जन्माची गाठ

मुंबई

गेल्या काही दिवसांपासून रंग माझा वेगळा फेम अभिनेत्री रेश्मा शिंदे हिची सोशल मिडीयावर जोरदार चर्चा सुरू आहे. तिने सोशल मिडीयावर तिच्या लग्नाच्या केळवणाचे फोटो शेअर केले आणि सगळीकडे एकच चर्चा सुरू झाली.

यानंतर रेश्माने तिच्या विवाह सोहळ्यातील विविध क्षण सोशल मिडीयाद्वारे  शेअर केले. तर आज तिचा थाटामाटात पवन सोबत विवाह संपन्न झाला. या सुंदर क्षणाचे फोटो तिने आपल्या चाहत्यांसोबत सोशल मिडीयावर शेअर केले.  रेश्माचे हे दुसरे लग्न आहे. २०१७ मध्ये तिने घटस्फोट घेतला. त्यानंतर 'आयुष्याची नवीन सुरुवात' अशी कॅप्शन देत तिने ही पोस्ट केली. तिच्या फॅन्स नी शुभेच्छांचा वर्षाव केला आहे.

'रंग माझा वेगळा', 'घरोघरी मातीच्या चुली', 'नांदा सौख्यभरे' यांसारख्या मालिकांमधून रेश्मा घरघरात पोहोचली आहे. आधी केळवण, मेहेंदी. मग हळद आणि लग्न अशा प्रत्येक टप्प्यावरचा आनंद रेश्माने फॅन्ससोबत सोशल मिडीयाद्वारे शेअर केला.