स्टॅन्डर्ड ट्रॅकच्या खेळाडूंचे यश

बेळगाव : सार्वजनिक शिक्षण खात्यातर्फे घेण्यात आलेल्या शालेय व पदवीपूर्व महाविद्यालयीन क्रीडा स्पर्धेत स्टॅन्डर्ड ट्रॅकच्या खेळाडूंनी घवघवीत यश संपादन केले आहे. यामध्ये मुलींच्या विभागात अक्षरा मजुकरने 800 मी., 1500 मी., 3000 मी., 4×100 व 4×400 मी. रिलेच्या स्पर्धेत 5 सुवर्ण, समृध्दी सोनारने 100 मी. धावणे रौप्य, 200 मी., 100 मी. अडथळा, 4×100 व 4×400 मी. रिले स्पर्धेत सुवर्ण पदक पटकाविले. प्रायुजा गुरवने लांब उडीत प्रथम व 200 मी. मध्ये रौप्य, सृष्टी जुवेकरने 400 मी. धावणे रौप्य, ऋत्विका मोरेने 400 मी. धावणेमध्ये कास्य पदक पटकाविले. तर मुलांच्या विभागात फाल्गुण पाटीलने 800 व 1500 मी. धावणेमध्ये रौप्य तर 4×400 मी. धावण्याच्यास्पर्धेत सुवर्ण पदक, प्रथमेश जाधवने 400 मी. रौप्य, वरुण बेनके 400 मी. अडथळा शर्यतीत सुवर्ण, तर चैतन्य जुवेकरने 400 मी. धावण्याच्या स्पर्धेमध्ये सुवर्ण पदक पटकाविले.