स्कूलबस दरीत कोसळून हरियाणात दुर्घटना

सुदैवाने जीवितहानी टळली : चालकासह अनेक मुले जखमी

वृत्तसंस्था/ पंचकुला

हरियाणातील पंचकुला येथे शनिवारी मुलांनी भरलेल्या स्कूलबसला अपघात झाला. या अपघातात अनेक मुले जखमी झाली असून त्यांना उपचारासाठी ऊग्णालयात दाखल करण्यात आले आहे. पंचकुलातील मोर्नी हिल्सजवळील टिक्कर ताल येथे हा अपघात झाला. मिळालेल्या माहितीनुसार, चालक भरधाव वेगात चालवत असल्यामुळे बसचे नियंत्रण सुटून ती दरीत कोसळली. अपघाताची माहिती मिळताच पोलीस आणि स्थानिक लोकांनी घटनास्थळी धाव घेत बचावकार्य सुरू केले. जखमी मुलांना तात्काळ बसमधून बाहेर काढून उपचारासाठी सेक्टर-6 ऊग्णालयात पाठवण्यात आले. अपघातावेळी बसमध्ये 45 मुले आणि इतर तीन लोक होते. अपघातात जखमी झालेल्या बस चालकाची प्रकृती चिंताजनक असल्याचे सांगण्यात येत आहे.

मिळालेल्या माहितीनुसार, पंजाबमधील मालेरकोटला येथील ननकाना साहिब शाळेतील मुले आणि कर्मचारी पंचकुला मोर्नी हिल्स येथे फिरायला जात होते. टिक्कर तालुक्मयातील मोर्नी हिल्सजवळ चालकाचा बसवरील ताबा सुटल्याने बसचे नियंत्रण सुटून बस दरीत कोसळली. पोलिसांनी मुलांच्या पालकांना अपघाताची माहिती दिली आहे. दुर्घटनेत 12 हून अधिक मुले जखमी झाल्याचे सांगण्यात येत आहे. पोलीस या अपघाताचा सखोल तपास करत आहेत.