अभयसिंग स्क्वॅश स्पर्धेत विजेता

वृत्तसंस्था, नवी दिल्ली

मलेशियातील निगेरी सेमबिलान येथे झालेल्या पीएसए चॅलेंजर टूरवरील 15 हजार अमेरिकन डॉलर्स बक्षीस रकमेच्या स्क्वॅश स्पर्धेचे विजेतेपद भारताच टॉप सिडेड स्क्वॅशपटू अभयसिंगने पटकाविले.

या स्पर्धेतील खेळविण्यात आलेल्या अंतिम सामन्यात टॉप सिडेड अभय सिंगने हाँगकाँगच्या तृतीय मानांकित हेन्री लेयुंगचा 11-7, 6-11, 3-11, 11-5, 12-10 अशा 5 गेम्समधील लढतीत पराभव करत विजेतेपद पटकाविले. जागतिक स्क्वॅशपटुंच्या मानांकनात अभयसिंग सध्या 24 व्या स्थानावर असून त्याचे पीएसए चॅलेंजर टूरवरील हे 13 वे विजेतेपद आहे. या स्पर्धेत अभयसिंगने उपांत्यफेरीच्या लढतीत मलेशियाच्या ए. चंद्रनचा तर उपांत्यपूर्व फेरीच्या लढतीत मलेशियाच्या मोहम्मद सैफिक कमलचा तर दुसऱ्या फेरीतील लढतीत लो वे सिरेनचा पराभव केला. या स्पर्धेत अभयसिंगला पहिल्या फेरीत पुढे चाल मिळाली होती