कराटे स्पर्धेत आराध्याला रौप्य

किणये : बेळगाव जिल्हा कराटे असोसिएशनच्या वतीने महात्मा फुले रोड, शहापूर येथील दानम्मा मंदिर येथे नुकत्याच झालेल्या सहाव्या राज्यस्तरीय कराटे स्पर्धेमध्ये हंगरगा गावची कन्या आराध्या केशव नागनवाडकर हिने रौप्य पदक मिळविले. ती हंगरगा येथील शाळेत इयत्ता चौथीमध्ये शिकत आहे. तसेच भवानीनगर येथील मनोप्रभा या ठिकाणी कराटेचे प्रशिक्षण घेत असून तिला प्रशिक्षक हरीश सोनार यांचे मार्गदर्शन लाभत आहे.