आराध्या सावंतची कराटेमध्ये निवड

बेळगाव : सेंट झेवियर्स स्कूलची विद्यार्थिनी आराध्या सावंतची राज्यस्तरीय कराटे स्पर्धेसाठी जिल्हा संघात निवड झाली आहे. सार्वजनिक शिक्षण खात्याच्या वतीने नुकत्याच घेण्यात आलेल्या जिल्हास्तरीय कराटे स्पर्धेत 38 किलो वजनी गटात आराध्याने सुवर्णपदक पटकाविले. आता तिची 5 नोव्हेंबरपासून दावणगिरी येथे होणाऱ्या सार्वजनिक शिक्षण खात्याच्या राज्यस्तरीय कराटे स्पर्धेसाठी निवड झाली आहे.  तिला कराटे प्रशिक्षक विनायक मोरे, शाळेचे क्रीडाशिक्षक चेस्टर रोझारियो, ज्युलेट फर्नांडिस, दीपा सत्तेगिरी आदींचे मार्गदर्शन लाभत आहे.