आप नेता ताहिर हुसेन याला जामीन नाकारला

वृत्तसंस्था/नवी दिल्ली

2020 च्या दिल्ली दंगलीदरम्यान इंटेलिजन्स ब्युरो (आयबी) कर्मचारी अंकित शर्मा यांच्या हत्येप्रकरणी माजी नगरसेवक आणि आरोपी ताहिर हुसेन याला गुरुवारी मोठा धक्का बसला. दिल्ली उच्च न्यायालयाने त्याचा जामीन अर्ज फेटाळला. दिल्ली उच्च न्यायालयाच्या खंडपीठाने आपल्या आदेशात अनेक महत्त्वाचे आदेश दिले. न्यायमूर्ती नीना बंसल कृष्णा यांनी ताहिर हुसेन याच्या याचिकेवर सुनावणी करताना कठोर टिप्पणी करताना ही जामीन याचिका फेटाळण्यात येत असल्याचे जाहीर केले.

संशयित आरोपी ताहिर हुसेन याच्या अटकेचा आणि प्रकरणाचे गांभीर्य लक्षात घेऊन न्यायालयाने हा निर्णय दिला. 2020 च्या ईशान्य दिल्ली दंगल आणि आयबी अधिकाऱ्याच्या हत्येदरम्यान झालेल्या हिंसाचारातील मुख्य आरोपींपैकी ताहिर हुसेन हा एक आहे. त्याला जामीन मिळणार नाही आणि तपास सुरूच राहील. तसेच या प्रकरणात कायदेशीर आणि सुरक्षेच्या बाबींना प्राधान्य देऊन हा निर्णय दिल्याचे न्यायालयाने स्पष्ट केले.