कोंडूसकोप क्रॉस येथे दारूविक्री करणाऱ्या एकाला अटक

बेळगाव : बेकायदा दारूची विक्री करणाऱ्या एकाला अटक करून 1750 रुपयांची दारू जप्त करण्यात आली आहे. सोमवार दि. 13 रोजी हिरेबागेवाडी पोलिसांनी कोंडूसकोप क्रॉस येथे ही कारवाई केली असून नागाप्पा मारुती देमण्णावर (वय 32) रा. मास्तमर्डी याला अटक केली आहे. कोंडूसकोप क्रॉस येथे एकजण दारूची विक्री करत आहे, अशी खात्रीलायक माहिती पोलीस उपनिरीक्षक बी. के. मिटगार यांना मिळाली होती. त्यानुसार त्यांनी आपल्या सहकाऱ्यांसह वरील ठिकाणी छापा टाकून संशयिताला अटक केली. त्याच्याकडून 1750 रुपये किमतीची दारू जप्त करण्यात आली असून त्याच्या विरोधात हिरेबागेवाडी पोलीस स्थानकात गुन्हा दाखल करण्यात आला आहे.