आशीर्वाद मंगल कार्यालयाच्या सुवर्णमहोत्सवानिमित्त स्नेहमेळावा

बेळगाव : गेली पाच दशके सेवेत असणाऱ्या व 6 हजारपेक्षा अधिक विवाह पार पडलेल्या आशीर्वाद मंगल कार्यालयाच्या सुवर्णमहोत्सवानिमित्त आयोजिलेला स्नेहमेळावा मंगळवार दि. 7 रोजी मोठ्या थाटात संपन्न झाला. संतोष गुरव अँड ग्रुप या संस्थेने आपल्या संगीताने मनोरंजन करून उपस्थितांची वाहवा मिळविली. याप्रसंगी मंगल कार्यालयाचा 50 वर्षांचा प्रवास भित्तीचित्र रूपाने सर्वांना पाहावयास मिळाला. बेळगाव शहरातील व परगावांतील अनेक प्रतिष्ठित नागरिक या कार्यक्रमासाठी आवर्जून उपस्थित होते. यावेळी योगेश दोरकाडी व दोरकाडी कुटुंबीयांनी सर्वांचे स्वागत केले.