टक्कल पडलेल्या लोकांचा मेळा

जगभरातून पोहोचता लोक

लंडनच्या सोहो भागात अनोखा मेळा आयोजित झाला असून यात केवळ टक्कल पडलेले लोक सामील झाले आहेत. यात विविध देशांमधून टक्कलयुक्त लोक पोहोचले आणि केस गळण्याचा जोरदार जल्लोष त्यांनी केला आहे. या सोहळ्याला पाहून अनेक लोकांना आश्चर्य वाटले, कारण सर्वसाधारणपणे लोक केस गळू लागल्यावर त्रस्त होता, परंतु तेथे टक्कलाला गर्व आणि आनंदासोबत साजरे करण्यात आले.

हा मेळा सोशल मीडियावर व्हायरल होत आहे. छायाचित्रे आणि व्हिडिओंमध्ये शेकडो टक्कल पडलेले पुरुष एकत्र आल्याचे दिसून आले. हे लोक मोफत बियरचा आनंद घेत नृत्य करत होते. आयोजकांना यीला ‘बाल्ड प्राइड’ असे नाव दिले होते.

समाजात टक्कलवरून नकारात्मकता असून ती दूर करणे आवश्यक आहे. अनेक पुरुष केस गळू लागल्यावर नैराश्यात जातात, आत्मविश्वास गमावून बसतात, या सोहळ्याचा उद्देश टक्कल काही समस्या नाही तर स्टाइल असल्याचे  दाखवून देणे होता असे आयोजकांचे सांगणे आहे.

आम्ही केस उगविण्यासाठी भरपूर प्रयत्न केले, महाग तेल आणि औषधे वापरली, परंतु काहीच न झाल्याने टक्कल स्वीकारले आणि आता याचा आनंद घेत आहोत असे मेळ्यात सामील काही लोकांनी सांगितले. मेळ्यात मोफत बियरचे खास आकर्षण होते. टक्कलयुक्त लोक बियर पित, हसत-खेळत आणि परस्परांच्या कहाण्या ऐकताना दिसून आले. काही लोकांनी स्वत:च्या टक्कलयुक्त डोक्यावर पॉलिशही करविले हेते.

या मेळ्यात केवळ ब्रिटनच नव्हे तर अमेरिका, कॅनडा, ऑस्ट्रेलिया, जर्मनी आणि भारतासमवेत अनेक देशांमधून लोक सामील झाले. भारतात लोक टक्कलाची चेष्टा करतात, परंतु येथे आल्यावर आम्ही एकटे नाही आहोत असे वाटल्याचे एका भारतीय वंशाच्या इसमाने सांगितले.

वैज्ञानिकांनुसार पुरुषांमध्ये टक्कल मुख्य स्वरुपात जेनेटिक आणि हार्मोनल कारणांमुळे पडते. डीएचटी हार्मोन केसांच्या मुळांना कमजोर करते. जगभरात सुमारे 50 टक्के पुरुष वयाच्या 50 व्या वर्षापर्यंत काही ना काही प्रमाणात टक्कल पडण्याच्या समस्येला तोंड देत असतात.