एअर इंडियाच्या विमानात लागली आग

नवी दिल्ली

 मस्कत विमानतळावर बुधवारी एअर इंडिया एक्स्प्रेसच्या विमानाच्या इंजिनात आग लागली. विमान कोचीनसाठी टेकऑफ करण्यापूर्वी ही दुर्घटना घडली आहे. आगीनंतर पूर्ण विमानात धूर पसरल्याने विमानोड्डाण रद्द करावे लागले. विमानातील सर्व प्रवासी आणि चालक दलाच्या सदस्यांना सुरक्षित बाहेर काढण्यात आले. याप्रकरणी चौकशी करत आहोत, असे डीजीसीएकडून सांगण्यात आले. तर प्रवाशांना भारतात आणण्यासाठी दुसऱया विमानाची व्यवस्था करण्यात आली.