शॉपिंग कॉम्प्लेक्समधील आगीत चीनमध्ये 39 ठार

100 हून अधिक जणांना वाचविले

वृत्तसंस्था/ बीजिंग

चीनच्या जिआंगशी प्रांतातील एका शॉपिंग कॉम्प्लेक्समध्ये बुधवारी आग लागली. या दुर्घटनेमध्ये 39 जणांचा दुर्दैवी मृत्यू झाल्याची माहिती स्थानिक प्रशासनाने दिली आहे. आगीचे कारण समजू शकले नाही, परंतु स्थानिक मीडियाच्या वृत्तानुसार जंक फूडच्या स्टॉलमध्ये आगीचा भडका उडाल्याचे सांगण्यात आले. घटनास्थळावरून शंभरहून अधिक जणांना वाचविण्यात यश आले आहे. जवळपास तीन तासांच्या मदतकार्यानंतर आग आटोक्मयात आणण्यात आली. सरकारने जारी केलेल्या निवेदनानुसार ही घटना जिआंगशी प्रांतातील युशुई मार्केटमध्ये घडली. घटनेच्यावेळी येथे अनेक लोक उपस्थित होते. यामध्ये महिला आणि लहान मुलांचाही समावेश होता. हे शॉपिंग कॉम्प्लेक्स तळघरात आहे.