राजापुरात फासकीत अडकलेल्या ब्लॅक पँथरला जीवदान

राजापूर वार्ताहर

तालुक्यातील कुवेशी येथील कुवेशी येथे हर्षद मांजरेकर यांच्या आंबा कलम बागेच्या कंपाऊंडला लावलेल्या तारेच्या फासकीत अडकलेल्या ब्लॅक पँथरला (काळा बिबट्या) वनविभागाने सुरक्षितरित्या पिंजऱयामध्ये पकडून नैसर्गिक अधिवासात मुक्त केले आहे. ब्लॅक पँथरला पाहण्यासाठी परिसरात ग्रामस्थांनी मोठी गर्दी केली होती.

याबाबत वनविभागाने दिलेल्या माहितीनुसार, काळा बिबट्या (ब्लॅक पँथर) अडकल्याची माहिती पद्मनाथ उर्प पिंट्या कोठारकार यांनी परिमंडळ वन अधिकारी राजापूर यांना दूरध्वनीवरून दिली. त्यानंतर राजापूर वनपाल यांच्यासह वनविभागाचे कर्मचारी व रेस्क्यू टीमने घटनास्थळी जात तारेच्या फासकीत अडकलेल्या बिबट्याला फासकीतून मुक्त करून सुस्थितीत पिंजऱ्यामध्ये घेतले.