कणकवली मतदारसंघात पहिल्या दोन तासात 9.46% मतदान

सर्वत्र शांततेत मतदान सुरू

कणकवली / प्रतिनिधी
कणकवली विधानसभा क्षेत्रामध्ये सकाळी सात वाजल्यापासून शांततेत मतदान सुरू आहे. सकाळी नऊ वाजेपर्यंतच्या दोन तासात 9.46% मतदान झाले असल्याची माहिती निवडणूक निर्णय अधिकारी जगदीश कातकर यांनी दिली. मतदार संघात चार ठिकाणी ईव्हीएम मशीनच्या समस्या उद्भवल्या. मात्र त्या त्या ठिकाणी तातडीने मशीन बदलून देण्यात आल्या असून कोणतीही समस्या न उद्भवता मतदान सुरू आहे. दरम्यान मतदार संघात मतदानात उत्साह असल्याचे दिसून येत आहे.