गोव्यात रंगणार 54 व्या इफ्फीचा नजारा

20 पासून 28नोव्हेंबरपर्यंत चालणार महोत्सव : जागतिक कीर्तीच्या चित्रपट कलाकारांची मांदियाळी

पणजी : गोव्यात 20 ते 28 नोव्हेंबर दरम्यान होणाऱ्या 54 व्या भारतीय आंतरराष्ट्रीय चित्रपट महोत्सवात (इफ्फी) कला, चित्रपट, संस्कृतीची झलक एकाच छताखाली पाहायला मिळणार आहे. महोत्सवात यंदा 270 चित्रपट आयनॉक्स, मॅकेनिज पॅलेस, आयनॉक्स पर्वरी, झी स्क्वेअर सम्राट अशोक थिएटर या चार ठिकाणी दाखविण्यात येणार आहेत. सर्वात महत्त्वाचा सत्यजित रे जीवनगौरव पुरस्कार हॉलीवूड अभिनेता मायकल डग्लस यांना प्रदान करण्यात येणार आहे. आंचिमचा पडदा स्टूअर्ट गट दिग्दर्शित ‘कॅचिंग डस्ट’ या चित्रपटाने उघडणार असून समारोप रॉबर्ट कोलोडनी दिग्दर्शित ‘द फिदरवेट’ चित्रपटाने होणार असल्याची माहिती केंद्रीय माहिती व प्रसारण राज्यमंत्री डॉ. एल. मुरूगन यांनी नवी दिल्लीत घेतलेल्या पत्रकार परिषदेत दिली. इंडियन पॅनोरमा विभागाचे उद्घाटन ‘अट्टम’ या मल्याळम् चित्रपटाने व ‘एंड्रो ड्रिम्स’ या मणिपुरी चित्रपटाने होईल. इंडियन पॅनोरमा विभागात 25 चित्रपट तर 20 लघुपट व माहितीपट दाखविण्यात येतील. इंडियन पॅनोरमा विभागातील अनेक चित्रपट स्मार्टफोन आणि इअरफोन्सचा वापर करून आपल्या पसंतीच्या भाषेत डबिंगसह पाहण्यासाठी उपलब्ध असतील. इफ्फीने सिनेडब या अॅपसोबत भागीदारी केली असून ही सेवा मोफत उपलब्ध करून दिली जाईल.

आंतरराष्ट्रीय विभागात विक्रमी 198 चित्रपट

इफ्फीच्या आंतरराष्ट्रीय विभागात 198 चित्रपट दाखविण्यात येणार असून यात 13 वर्ल्ड प्रीमियर्स, 18 इंटरनॅशनल प्रीमियर्स, 62 एशिया प्रीमियर्स आणि 89 इंडिया प्रीमियर्स असतील. यावषी आंचिमला 105 देशांमधून 2926 प्रवेशिकांच्या नोंदींची विक्रमी संख्या प्राप्त झाली, जी गेल्या वषीच्या तुलनेत 3 पट जास्त आहेत. मिड फेस्ट विभागाचे उद्घाटन नूरी सेलन दिग्दर्शित ‘अबाऊट ड्राय ग्रासेस’ या चित्रपटाने होईल. या चित्रपटाचा भारतीय प्रीमीयर होईल.

सुवर्ण मयूराच्या स्पर्धेत तब्बल 15 चित्रपट

आंतरराष्ट्रीय स्पर्धा विभागात 12 आंतरराष्ट्रीय आणि 3 भारतीय असे 15 वैशिष्ट्यापूर्ण चित्रपट सुवर्ण मयूरासाठी दाखविले जाणार आहेत. सर्वोत्कृष्ट चित्रपटासाठी सुवर्ण मयूर आणि 40 लाख ऊपये बक्षीसरूपी देण्यात येईल.  सर्वोत्कृष्ट चित्रपटाव्यतिरिक्त सर्वोत्कृष्ट दिग्दर्शक, सर्वोत्कृष्ट अभिनेता (पुऊष), सर्वोत्कृष्ट अभिनेता (महिला), विशेष ज्युरी पुरस्कार श्रेणीतील विजेते देखील ज्युरी निश्चित करतील. तसेच सर्वोत्कृष्ट डेब्यू दिग्दर्शकाच्या पुरस्कारासाठी पाच आंतरराष्ट्रीय आणि दोन भारतीय चित्रपट स्पर्धेत आहेत. सर्वोत्कृष्ट डेब्यू दिग्दर्शकाला रौप्य मयूर आणि दहा लाख ऊपये पुरस्काररूपी देण्यात येतील.

महोत्सवातील विविध विभाग व चित्रपट 

फेस्टिव्हल पॅलिडोस्कोपमध्ये यावर्षी कान्स, व्हेनिस, साओ पाऊलो, रॉटरडॅम, सांता बार्बरा, स्टॉकहोम आदी प्रतिष्ठित आंतरराष्ट्रीय चित्रपट महोत्सवात प्रदर्शित झालेल्या 19 चित्रपटांचे प्रदर्शन करण्यात येणार आहे. सिनेमा ऑफ द वर्ल्ड विभागात 103 चित्रपटांचा समावेश असून या चित्रपटांतून चित्रपटसृष्टीतील सौंदर्यशास्त्र, कथा आणि विविधता दाखविण्यात येईल. याशिवाय जगभरातील आकर्षक माहितीपटांची कलाकृती डोकू मोन्टेज विभागातून प्रदर्शित केली जाईल. आंतरराष्ट्रीय आणि भारतीय अॅनिमेशन चित्रपट मोठ्या प्रमाणात सिनेरसिकांना  पाहता यावेत याकरिता महोत्सवाच्या अॅनिमेशन विभागाचा विस्तार करण्यात आला आहे. ज्यामध्ये सौंदर्यदृष्ट्या कल्पक आणि कथनात्मकदृष्ट्या विध्वंसक अॅनिमेटेड चित्रपटांचा समावेश असून ज्यामध्ये पोलंडच्या अधिकृत ऑक्सार एंट्री - द पीझंट्स याचा समावेश आहे. इतर अॅनिमेशन चित्रपट दाखविले जातील.

एनएफडीसी आणि एनएफएआयतर्फे नॅशनल फिल्म हेरिटेज मिशनअंतर्गत सुरू केलेल्या रिस्टोर्टड क्लासिक या विभागातून 7 जागतिक दर्जाच्या पुनर्संचयनाचे 7 जागतिक प्रीमियर सेल्युलॉइड रील्समधून सादर केले जातील. या विभागात देबाकी बोस दिग्दर्शित विद्यापती, प्रल्हाद केशव अत्रे दिग्दर्शित मराठी चित्रपट श्यामची आई, के.व्ही. रे•ाr दिग्दर्शित तेलुगू चित्रपट पाटला भैरवी, विजय आनंद दिग्दर्शित हिंदी चित्रपट मार्गदर्शक, चेतन आनंद दिग्दर्शित हिंदी चित्रपट हकीकत, मृणाल सेन दिग्दर्शित कोरस, बिरेन नाग दिग्दर्शित हिंदी चित्रपट बीस साल बाद,  याशिवाय या विभागात 3 आंतरराष्ट्रीय पुनर्संचयित चित्रपट देखील प्रदर्शित केले जातील ज्यात द एक्सर्सिस्ट एक्स्टडेड डायरेक्टर्स कट फ्रॉम व्हेनिस आणि सर्गेई पराजानोव्हचे शॅडोज ऑफ फॉरगॉटन एन्सस्टर्स यांचा समावेश आहे.

दिव्यांगांसाठी होणार खास व्यवस्था

युनेस्कोचे आदर्श प्रतिबिंबित करणारे 7 आंतरराष्ट्रीय आणि 3 भारतीय चित्रपटांचा युनेस्को विभागात समावेश करण्यात आला आहे. दिव्यांगांसाठी महोत्सव प्रवेशयोग्य बनविण्यात आला असून सर्व स्क्रीनिंग आणि इतर ठिकाणी दिव्यांगांना प्रवेश करता येईल अशाप्रकारच्या सुविधा उपलब्ध करण्यात येतील. तसेच अंध आणि श्रवणदोष असलेल्या दिव्यांग प्रतिनिधींकरिता सिर्फ एक बंदा काफी है, शेरशाह, 83 आणि भाग मिल्खा भाग हे चित्रपट एम्बेडेड ऑडिओ वर्णनासह आणि एम्बेडेड सांकेतिक भाषेसह उपलब्ध करण्यात येणार आहेत. प्रख्यात चित्रपट निर्माते, सिनेमॅटोग्राफर आणि अभिनेत्यांसोबत 20 हून अधिकजणांचे मास्टरक्लास आणि इन कॉन्व्हर्सेशन’ सत्रे आंचिममध्ये होणार आहेत. सदर सत्रे कला अकादमीत होतील.

केंद्रीय मंत्री अनुराग ठाकूर यांच्या संकल्पनेतून आलेल्या 75 क्रिएटिव्ह माईंडस् ऑफ टूमारो हा उपक्रम चित्रपट निर्मितीच्या विविध व्यवसायातील तऊण सर्जनशील प्रतिभा ओळखणे, प्रोत्साहित करणे आणि त्यांचे संगोपन करणे हा उद्देश आहे. या निवडक ‘क्रिएटिव्ह माइंड्स’ची ‘फिल्म चॅलेंज’साठी 5 टिम्समध्ये विभागणी करण्यात आली आहे, प्रत्येकी एक शॉर्ट फिल्म 48 तासांत बनवली जाईल. या वषी उमेदवारांचे व्यावसायिक वर्ग देखील असतील जे विशेषत: सिनेमाच्या मास्टर्सद्वारे तयार केले जातील आणि 20 पेक्षा जास्त आघाडीच्या कंपन्यांसह भरतीसाठी ‘टॅलेंट पॅम्प’ आयोजित केले जाईल.

या महोत्सवाचे मुख्य आकर्षण म्हणजे गाला प्रीमीयर त्याचबरोबर इफ्फी सिनेमेळा असणार आहे. या मेळ्यात स्थानिक लोक, पर्यटक याशिवाय ज्यांनी आंचिमसाठी नोंदणी केली नाही त्याकरिता असेल. यात सिनेमा, कला, संस्कृती, हस्तकला यांची जादू साजरी करताना रोमांचक क्रियाकलापांचा आनंद घेऊ शकतात. ओपन एअर स्क्रीनिंग, कारवाँ, शिगमोत्सव, गोवा कार्निव्हल, सेल्फी पॉइंट्स, इफ्फी मर्चेंडाईज आदींचा समावेश असेल. दि. 22 रोजी पूर्व प्रदेश :बंगाली, ओरिया, आसामी, मणिपुरी आणि ईशान्येकडील बोली, दि. 23 रोजी दक्षिण प्रदेश : तमिळ आणि मल्याळम, दि. 24  रोजी उत्तरी प्रदेश : पंजाबी, डोगरी, भोजपुरी, राजस्थानी, उर्दू, छत्तीसगढ, दि. 25 रोजी पश्चिम प्रदेश : कोकणी, मराठी, गुजराती, दि. 26 रोजी कन्नड आणि तेलगू.

सर्वोत्कृष्ट वेब सिरीज पुरस्कार

यावषी ओटीटी प्लॅटफॉर्मच्या सर्वोत्कृष्ट वेब सिरीज पुरस्कार सुरू करण्यात आला असून 15 ओटीटी प्लॅटफॉर्मवरून 10 भाषांमध्ये 32 प्रवेशिका आल्या असून विजेत्या मालिकेला प्रमाणपत्रे आणि 10 लाखांचे रोख बक्षीस म्हणून दिले जाईल, ज्याची घोषणा समारोप समारंभात केली जाईल. फिल्म बाजार येथे विविध देशातील आणि राज्यातील व्हीव्हीएक्स आणि टेक पवेलियन्स उभारण्यात येणार आहेत. आंतरराष्ट्रीय चित्रपट आयोग आणि भारतीय राज्यांचे अनेक स्टॉल त्यांच्या स्थानांचा आणि योजनांच्या प्रचारासाठी उभारण्यात येतील. याचबरोबर प्रॉडक्शन हाऊस संस्था, असोसिएशन आदींचे स्टॉल्स असतील. निवडक चित्रपट निर्माते, चित्रपट निर्मिती आणि वितरणाच्या महत्त्वाच्या पैलूंचा समावेश करण्यासाठी ‘नॉलेज सिरीज’ तयार करण्यात आली आहे. याचबरोबर गेल्या वषी सुरू झालेल्या, ‘बुक टू बॉक्स ऑफिस’ विभागाने ‘द स्टोरी इंक’ सोबत भागीदारी केली आहे ज्याचा मुख्य उद्देश सर्जनशील लेखकांना त्यांचे कार्य सादर करण्यासाठी व्यासपीठ उपलब्ध करून देणे आणि या कथा निर्माते आणि व्यासपीठ प्रमुखांना सादर करणे हा आहे. एकूणच, 300 हून अधिक आंतरराष्ट्रीय चित्रपट प्रकल्प या वषी निर्मिती, वितरण किंवा विक्रीसाठी फिल्म बाजारच्या 17 व्या आवृत्तीत क्मयुरेट केलेले आणि प्रदर्शित केले जातील.