नेपाळमध्ये 5 रशियन गिर्यारोहकांचा मृत्यू

काठमांडू : नेपाळमधील 7 हजार मीटरपेक्षा अधिक उंची असलेल्या माउंट धौलागिरीमध्ये 5 रशियन गिर्यारोहकांचा मृत्यू झाला आहे. या गिर्यारोहकांनी जगातील या सातव्या क्रमांकाच्या शिखरावर चढाई सुरू केली होती अशी माहिती हेली एव्हरेस्टचे उपाध्यक्ष मिंगमा शेर्पा यांनी दिली. मिंगमा हे स्वत:ही गिर्यारोहक असून ते बेपत्ता गिर्यारोहकांचा शोध घेण्यासाठी सुरू करण्यात आलेल्या शोधमोहिमेत ते सामील होते. या गिर्यारोहकांचा मंगळवारी सकाळ सहा वाजल्यापासून बेस कॅम्पसोबतचा संपर्क तुटला होता.