नेपाळमध्ये कोशी प्रांतात 4.1 तीव्रतेचा भूकंप

वृत्तसंस्था/ काठमांडू

नेपाळच्या कोशी प्रांतात रविवारी सकाळी भूकंपाचे धक्के जाणवले. राष्ट्रीय भूकंप देखरेख आणि संशोधन केंद्राच्या म्हणण्यानुसार, सकाळी 7:31 वाजता झालेल्या भूकंपाची तीव्रता 4.1 रिश्टर स्केल इतकी होती. त्याचा केंद्रबिंदू नेपाळची राजधानी काठमांडूपासून 475 किलोमीटर पूर्वेला असलेल्या संखुवासभा जिह्यातील रितक परिसरात होता. भूकंपामुळे परिसरात घबराट पसरल्याने स्थानिक लोक घराबाहेर पडले. शेजारच्या तापलेजंग आणि भोजपूर जिह्यांमध्येही भूकंपाचे धक्के जाणवले. तथापि, सुदैवाने या घटनेत कोणतेही मोठे नुकसान किंवा जीवित किंवा वित्तहानी झाली नाही.