अल्पवयीन मुलीचा विनयभंग ; आरोपीला 3 वर्ष सश्रम कारावास

ओरोस । प्रतिनिधी

अल्पवयीन १३ वर्षीय मुलीचा विनयभंग केल्याप्रकरणी आरोपी रुपेश गोपाळ ढवण याला सिंधुदुर्ग जिल्हा प्रमुख व सत्र न्यायाधीश गायकवाड यांनी भा . दं . वि. कलम 354 व पोक्सो कायदा कलम 8 अन्वये दोषी धरून 3 वर्ष सश्रम कारावास व रुपये 15 हजार दंड अशी शिक्षा सुनावली आहे . एका अल्पवयीन मुलीच्या विनयभंग प्रकरणी आरोपी रुपेश गोपाळ ढवण याच्याविरोधात भा. द.वि कलम 354, पोक्सो कायदा कलम 8 नुसार कणकवली पोलीस ठाणे गुन्हा दाखल करण्यात आला होता . त्याचा तपास सहाय्यक पोलीस उपनिरीक्षक रूपाली गोरड यांनी केला होता.सदर खटल्यात सरकारतर्फे अतिरिक्त सरकारी अभियोक्ता गजानन तोडकरी यांनी सर्व साक्षीदार तपासून युक्तिवाद देखील केला होता.प्रमुख जिल्हा व सत्र न्यायाधीश गायकवाड यांनी आरोपीला भा .दं. वि. कलम 354 व पोक्सो कायदा कलम 8 अन्वये दोषी धरून 3 वर्ष सश्रम करावास व रुपये 15 हजार दंड अशी शिक्षा सुनावली आहे .