3 दिवसांच्या तेजीला शेअर बाजारात ब्रेक
सेन्सेक्स 506 अंकांनी घसरणीत,जागतिक बाजारात दबाव
वृत्तसंस्था/मुंबई
जागतिक बाजारांमध्ये दबाव, धातू समभागांची विक्री व आरबीआय पतधोरण समितीच्या बैठकीपूर्वी घेतलेली दक्षता या पार्श्वभुमीवर गुरुवारी शेअर बाजार घसरणीसोबत बंद झाला. सलग तीन सत्रांमध्ये बाजारात तेजी दिसून आली होती. सेन्सेक्स 506 आणि निफ्टी 133 अंकांनी घसरला होता. गुरुवारी सरतेशेवटी मुंबई शेअरबाजाराचा 30 समभागांचा सेन्सेक्स निर्देशांक 506 अंकांनी घसरत 83311 अंकावर बंद झाला. दुसरीकडे राष्ट्रीय शेअरबाजाराचा 50 समभागांचा निफ्टी निर्देशांक 133 अंकांनी घसरत 25640 अंकांवर बंद झाला. मिडकॅप आणि स्मॉलकॅप निर्देशांकांचे समभागदेखील दबावात होते. निफ्टी मिडकॅप 100 निर्देशांक जवळपास 1 टक्का आणि निफ्टी स्मॉल कॅप 100 निर्देशांक जवळपास दीड टक्के घसरणीत होता.
क्षेत्रांचे निर्देशांकही दबावात
शेअरबाजारामध्ये 1368 समभाग वाढीसोबत तर 1997 समभाग घसरणीसोबत व्यवहार करीत होते. विविध क्षेत्राच्या निर्देशांकांची कामगिरी पाहिल्यास सर्वच क्षेत्रे कमकुवत होत बंद झाली. ऑटो 160 अंकांनी, एफएमसीजी 191 अंकांनी, एनर्जी 140 आणि आयटी निर्देशांक 202 अंकांनी घसरला होता. इन्फ्रा, ऑईल आणि गॅस, रियल्टी, फायनान्सीयल्स, कमोडीटीज, सीपीएसई यांचे निर्देशांकही घसरणीत होते.
समभागांची कामगिरी
विविध समभागांची कामगिरी पाहता ट्रेंट, मॅक्स हेल्थकेअर, टाटा स्टील, जेएसडब्ल्यू स्टिल, ओएनजीसी, ग्रासीम, सिप्ला, एसबीआय, डॉ. रे•ाrज लॅब्ज, बजाज ऑटो, नेस्ले इंडिया, अपोलो हॉस्पिटल, विप्रो, टेक महिंद्रा, अदानी पोर्ट व अदानी एंटरप्रायझेस तसेच बजाज फायनान्स यांचे समभाग तेजीसोबत बंद झाले होते. घसरणीमध्ये राहिलेल्या समभागांची संख्या अधिक होती. यामध्ये प्रामुख्याने इटर्नल, भारती एअरटेल, आयटीसी, आयसीआयसीआय बँक, रिलायन्स इंडस्ट्रिज, इंडसइंड बँक, हिंडाल्को, एसबीआय लाईफ यांचा समावेश होता.
समभाग वधारलेल्या कंपन्या
- ट्रेन्ट 4131
- टाटा स्टील 197
- स्टेट बँक 1073
- अदानी पोर्ट 1565
- बजाज फायनान्स 964
- टेक महिंद्रा 1643
- पीबी फिनटेक 1552
- मॅरिको 749
- मॅक्स हेल्थकेअर 1040
- डिव्हीस लॅब 6116
- ल्यूपिन 2220
- जेएसडब्ल्यू स्टील 1239
- जिओ फायनान्स 269
- कॅनरा बँक 148
- फेडरल बँक 287
समभाग घसरलेल्या कंपन्या
- इटर्नल 286
- भारती एअरटेल 1992
- भारत इलेक्ट 432
- आयटीसी 310
- इन्फोसिस 1519
- टायटन 4098
- बजाज फिनसर्व्ह 2000
- रिलायन्स इंडस्ट्रीज 1443
- आयसीआयसीआय 1396
- कोटक महिंद्रा 411
- एशियन पेन्ट्स 2431
- एचसीएल टेक 1608
- हिंदुस्थान युनि 3554
- लार्सन अॅण्ड टुब्रो 4060
- इंटरग्लोब एव्ही 4933
- अॅक्सिस बँक 1332
- एचडीएफसी बँक 949
- टीसीएस 2992
- अल्ट्राटेक सिमेंट 12750
- मारुती सुझुकी 15004
- एनटीपीसी 366
- सनफार्मा 1702
- महिंद्रा-महिंद्रा 3570
- पॉवरग्रिड कॉर्प 289
- वेदान्ता 655
- गेल 160