For the best experience, open
https://m.tarunbharat.com
on your mobile browser.
Advertisement

तुर्कियेच्या नाइट क्लबमध्ये आग, 29 ठार

06:57 AM Apr 03, 2024 IST | Tarun Bharat Portal
तुर्कियेच्या नाइट क्लबमध्ये आग  29 ठार

नुतनीकरणादरम्यान दुर्घटना : मृतांमध्ये कामगारांचे प्रमाण अधिक : पोलिसांकडून 5 जणांना अटक

Advertisement

वृत्तसंस्था/ इस्तंबुल

तुर्कियेच्या एका नाइट क्लबमध्ये मंगळवारी आग लागली आहे. या दुर्घटनेत आतापर्यंत 29 जणांचा मृत्यू झाला असून अनेक जण गंभीर जखमी आहेत. दुर्घटनेवेळी नाइट क्लब बंद होता आणि यात नुतनीकरणाचे काम सुरू होते. मृतांमध्ये कामगारांचे प्रमाण अधिक आहे. तर 8 जणांना गंभीर अवस्थेत रुग्णालयात दाखल करण्यात आले आहे.

Advertisement

इस्तंबुलच्या नागरी वस्तीत एक 16 मजली इमारत असून याच्या तळमजल्यावर हा नाइट क्लब होता. ही दुर्घटना असू शकते किंवा यामागे कट देखील असू शकतो. पोलीस सर्व शक्यता विचारात घेत तपास करत आहेत. याप्रकरणी आतापर्यंत 5 जणांना अटक करण्यात आली असून यात क्लबचा व्यवस्थापक आणि नुतनीकरणाच्या टीमचे सदस्य सामील असल्याची माहिती स्थानिक गव्हर्नर दावुत गुल यांनी दिली आहे.

Advertisement

इमारतीत ही आग फैलावल्याने अन्य मजल्यावर राहत असलेले काही लोक मृत्युमुखी पडल्याचे वृत्त आहे, परंतु याबाबत अद्याप पुष्टी झालेली नाही. अग्निशमन दलाकडून आगीवर नियंत्रण मिळविण्यात आले असून वैद्यकीय आणि पोलीस पथक घटनास्थळी पोहोचले होते.

Advertisement
Tags :
×

.