एनबीसीसीचा एमटीएनएलसोबत 1600 कोटींचा करार

वृत्तसंस्था/ मुंबई

एनबीसीसी (इंडिया) लिमिटेड आणि महानगर टेलिफोन निगम लिमिटेड (एमटीएनएल) यांनी पांखा रोड, नवी दिल्ली येथे एमटीएनएलसाठी जमिनीचा मुख्य भूखंड विकसित करण्यासाठी सामंजस्य करारावर स्वाक्षरी केली आहे. दोघांमधील हा करार तब्बल 1,600 कोटी रुपयांचा आहे. या महत्त्वाच्या प्रकल्पांतर्गत दोन्ही संस्था आवश्य कौशल्य आणि संसाधने वापरून जमिनीचे निवासी आणि व्यावसायिक जागेत रूपांतर करणार आहेत.

एमटीएनएल ही सार्वजनिक क्षेत्रातील दूरसंचार कंपनी आहे आणि एनबीसीसी ही गृहनिर्माण आणि शहरी व्यवहार मंत्रालयाच्या अंतर्गत असलेली कंपनी आहे. या दोन्ही कंपन्यांनी या विकास प्रकल्पासाठी वचनबद्धता व्यक्त केली आहे.

एनबीसीसी जमीन विकासासाठी अंमलबजावणी करणारी एजन्सी म्हणून काम करेल. एनबीसीसी मास्टर प्लॅनिंग, आर्किटेक्चरल डिझाइन आणि तपशीलवार प्रकल्प अहवाल हाताळेल. हे स्थानिक नगर नियोजन नियमांचे पालन सुनिश्चित करेल.

प्रकल्प सुरू झाल्याच्या तारखेपासून तीन वर्षांच्या कालावधीत टप्प्याटप्प्याने प्रकल्प राबविला जाईल, निवासी/व्यावसायिक अशा दोन्ही फायद्यांवर लक्ष केंद्रित करून एमटीएनएल ही जमीन प्रदान करेल, जी भारमुक्त असेल आणि आवश्यक नियामक मंजुरीसाठी मदत करेल. निविदा, बांधकाम आणि बांधकामानंतरच्या क्रियाकलापांसह प्रकल्प व्यवस्थापनासाठी एनबीसीसी जबाबदार राहणार आहे.