सिटी नेटवर्कच्या खरेदीसाठी 14 कंपन्या स्पर्धेत

रिलायन्स जिओसह अन्य कंपन्यांचा समावेश : संभाव्य प्रस्ताव देण्यास 17 पर्यंत मुदत

वृत्तसंस्था /नवी दिल्ली

रिलायन्स जिओच्या हॅथवे डिजिटल आणि हिंदुजा ग्रुपच्या इंडसइंड मीडिया आणि कम्युनिकेशनसह 14 कंपन्या एस्सेल ग्रुपच्या अडचणीत असलेल्या सिटी नेटवर्क लिमिटेडला खरेदी करण्यासाठी पुढे आल्या आहेत. संभाव्य ठराव प्रस्ताव (पीआरए) देणाऱ्या या कंपन्या 17 जानेवारीपर्यंत त्यांचे प्रस्ताव सादर करू शकतात. हॅथवे आणि इंडसइंडने या संबंधी भाष्य करण्यास नकार दिला. सिटी नेटवर्क्स लिमिटेड एक मल्टी-सिस्टम ऑपरेटर आणि 33,000 किलोमीटरहून अधिक ऑप्टिकल फायबर आणि कोएक्सियल केबल नेटवर्कसह वायर्ड ब्रॉडबँड प्रदाता आहे. देशातील 580 ठिकाणी 1.15 कोटींहून अधिक दर्शकांना केबल सेवा पुरवते. एका वरिष्ठ सल्लागाराने सांगितले की, ‘पूर्वेकडील प्रदेशातील खोलवर प्रवेश लक्षात घेता, सिटी नेटवर्कच्या अधिग्रहणामुळे कंपन्यांच्या विस्ताराला लक्षणीय चालना मिळेल. कंपनीचा फायबर ऑप्टिक व्यवसायही खूप चांगला आहे.

30 नोव्हेंबर 2022 रोजी सिटी नेटवर्कने सात जणांकडून 1,173 कोटी रुपये देणे बाकी असल्याचे विधान जारी केले होते. यामध्ये एचडीएफसीचे 279 कोटी, अॅक्सिस बँकेचे 269 कोटी, इंडसइंड बँकेचे 156 कोटी आणि आयडीबीआय बँकेचे 147 कोटी रुपयांचा समावेश आहे. या बँकांनी कंपनीला 9 ते 13 टक्के व्याजदराने मुदत कर्ज दिले होते. सिटी नेटवर्क लिमिटेडने स्टॉक एक्स्चेंजला कळवले होते की त्यांच्या कमिटी ऑफ क्रेडिटर्सची चौथी बैठक गेल्या वर्षी 15 डिसेंबर रोजी झाली होती. या बैठकीत तोडगा प्रस्ताव मांडण्यात आला.  कंपनीने सांगितले की सदरच्या प्रस्तावासोबतच सीआयआरपी संबंधित मुद्यांवर सीओसी सदस्यांसोबत बैठकीत चर्चा करण्यात आली.