For the best experience, open
https://m.tarunbharat.com
on your mobile browser.

7 कंपन्यांच्या बाजार भांडवलात 1.83 लाख कोटीची वाढ

06:37 AM Feb 04, 2025 IST | Tarun Bharat Portal
7 कंपन्यांच्या बाजार भांडवलात 1 83 लाख कोटीची वाढ
Advertisement

हिंदुस्थान युनिलिव्हर सर्वाधिक प्रभावीत: सेन्सेक्स 1300 अंकांनी होता वधारला

Advertisement

वृत्तसंस्था/ नवी दिल्ली

दहापैकी सात कंपन्यांचे बाजार भांडवलमूल्य मागच्या आठवड्यामध्ये 1.83 लाख कोटी रुपयांनी वाढले आहे. यामध्ये हिंदुस्थान युनिलिव्हरचे बाजार भांडवल इतरांच्या तुलनेत सर्वाधिक वाढलेले दिसून आले. मागच्या आठवड्यात मुंबई शेअरबाजाराचा 30 समभागांचा बीएसई सेन्सेक्स निर्देशांक 1315 अंकांनी 1.72 टक्के इतका वाढला होता. यासोबत राष्ट्रीय शेअरबाजाराचा निफ्टी निर्देशांक देखील 389 अंकांनी म्हणजेच 1.68 टक्के इतका वाढला होता. दहापैकी सात कंपन्यांचे बाजार भांडवल एकूण 1 लाख 83 हजार 322 कोटी रुपयांनी वाढले होते. केंद्रीय अर्थसंकल्पामुळे शनिवारीदेखील शेअर बाजार सुरू होता. बाजार भांडवल मूल्य वाढण्यामध्ये रिलायन्स इंडस्ट्रीज, एचडीएफसी बँक, आयसीआयसीआय बँक, स्टेट बँक ऑफ इंडिया, लाइफ इन्शुरन्स कॉर्पोरेशन आणि आयटीसी यांचा समावेश होता तर दुसरीकडे टीसीएस, भारती एअरटेल आणि इन्फोसिस यांचे बाजार भांडवल मूल्य मात्र मागच्या आठवड्यात घसरणीत राहिले होते.

Advertisement

यांच्या बाजार भांडवलात वाढ

हिंदुस्थान युनिलिव्हरचे बाजार भांडवल मूल्य 32,471 कोटींनी वाढत 5 लाख 89 हजार 66 कोटी रुपयांवर राहिले होते. आयसीआयसीआय बँकेचे बाजार भांडवल मूल्य 32,302 कोटींनी वाढत 8 लाख 86 हजार 287 कोटी रुपयांवर स्थिरावले होते. खासगी क्षेत्रातील एचडीएफसी बँक यांचे बाजार भांडवल मूल्य 30822 कोटी रुपयांनी चढत 12 लाख 92 हजार 450 कोटी रुपयांवर राहिले होते. आयटीसीचे बाजार भांडवल मूल्य 26212 कोटी रुपयांनी वाढत 5 लाख 78604 कोटी रुपयांवर पोहोचले होते. बाजार भांडवल मूल्याच्या बाबतीमध्ये आघाडीवर असणाऱ्या रिलायन्स इंडस्ट्रीचे बाजार भांडवल 25 हजार 373 कोटी रुपयांनी वाढत 17 लाख 11 हजार 371 कोटी रुपयांवर स्थिरावले होते. स्टेट बँकेचे बाजार भांडवल मूल्य 19411 कोटी रुपयांनी वाढत 6 लाख 83 हजार 715 कोटी रुपयांवर स्थिरावले होते. त्याचप्रमाणे एलआयसीचे बाजार भांडवल मूल्य 16729 कोटी रुपयांनी वाढत 5,36,201 कोटी रुपयांवर पोहचले होते.

यांचे बाजार भांडवल घसरणीत

माहिती तंत्रज्ञान क्षेत्रातील कंपनी टीसीएसचे बाजार भांडवल मूल्य 28 हजार 58 कोटी रुपयांनी कमी होत 14 लाख 73 हजार 918 कोटी रुपयांवर तर दूरसंचार क्षेत्रातील भारती एअरटेलचे बाजार भांडवल मूल्य 11,211 कोटी रुपयांनी कमी होत 9 लाख 25 हजार 201 कोटी रुपयांवर स्थिरावले होते. याच सोबत आयटी क्षेत्रातील आणखीन एक कंपनी इन्फोसिसचे बाजार भांडवल मूल्य सुद्धा 9653 कोटी रुपयांनी घसरत 7 लाख 68 हजार 959 कोटी रुपयांवर स्थिरावले होते.

Advertisement
Tags :

.