हेमानी इंडस्ट्रिज आयपीओ आणणार

नवी दिल्ली : कृषी रसायन निर्मिती करणारी कंपनी हेमानी इंडस्ट्रिज लिमिटेडने आपला आयपीओ बाजारात आणण्याचे निश्चित केले आहे. याकरीताचा रीतसर अर्ज कंपनीने बाजारातील नियामक सेबीकडे सादर केला आहे. सदरच्या आयपीओतून कंपनी येत्या काळात 2 हजार कोटी रुपये उभारणार असल्याचे संकेत आहेत. कंपनी आयपीओअंतर्गत 500 कोटी रुपयांचे नवे समभाग सादर करणार आहे तसेच कंपनीच्या प्रवर्तकांकडून 1500 कोटी रुपयांचे इक्विटी समभाग सादर केले जाणार आहेत.