हंसिका मोटवानी विवाहबद्ध

सोहेल कथुरियासोबत थाटला संसार

अभिनेत्री हंसिका मोटवानी आणि उद्योजक सोहेल कथुरिया हे दोघेही विवाहबद्ध झाले आहेत. या जोडप्याच्या विवाहाची सुंदर छायाचित्रे सोशल मीडियावर प्रसारित झाली आहेत. मागील एक आठवडय़ापासून हंसिकाच्या विवाहाची तयारी सुरू होती.

जयपूरच्या मुंडोता फोर्ट अँड पॅलेसमध्ये या दोघांनी डेस्टिनेशन वेडिंग केले आहे. दोघांच्या या ग्रँड वेडिंगची छायाचित्रे सोशल मीडियावर व्हायरल होत आहेत. हंसिका आणि सोहेल यांनी कुटुंबीय अन् जवळच्या मित्रमैत्रिणींच्या उपस्थितीत पारंपरिक पद्धतीने विवाह केला आहे. हंसिका विवाहाच्या दिवशी लाल रंगाच्या पेहरावात दिसून आली.

हंसिकाच्या प्री-वेडिंगची सुरुवात 22 नोव्हेंबर रोजी मुंबईमध्ये माता की चौकीपासून झाली होती. त्यानंतर अभिनेत्रीने नोव्हेंबरच्या अखेरच्या आठवडय़ात ग्रीसमध्ये स्वतःच्या मैत्रिणेंसोबत बॅचलरेट पार्टी केली होती. तर 1 डिसेंबर रोजी फोर्टमध्ये हंसिका आणि सोहेलच्या विवाहाच्या मेहंदीचा कार्यक्रम ठेवण्यात आला होता.

सोहेलने हंसिकाला जगप्रसिद्ध आयफेल टॉवरसमोर लग्नाची मागणी घातली होती. हंसिका ही दाक्षिणात्य चित्रपटसृष्टीतील नावाजलेली अभिनेत्री आहे. तर सोहेल हा हंसिकाचा बिझनेस पाटर्नर आहे.