स्कॉटलंडची लढत आज ओमानशी

वृत्तसंस्था/ अँटिग्वा

नॉर्थ साऊंड, अँटिग्वा येथील सर व्हिव्हियन रिचर्ड्स स्टेडियमवर आज रविवारी  होणार असलेल्या ‘ब’ गटातील लढतीत स्कॉटलंड ओमानशी लढणार आहे. इंग्लंडविऊद्धच्या स्कॉटलंडच्या सलामीच्या सामन्यात दोन्ही संघांना प्रत्येकी एक गुण मिळाला होता. त्यानंतर त्यांनी नामिबियाविऊद्ध पाच गडी राखून विजय मिळवला, या निकालामुळे स्कॉटलंडला आता पाच गुणांपर्यंत जाण्याची संधी आहे, ज्यामुळे इंग्लंड आणि ऑस्ट्रेलियाचा समावेश असलेल्या या गटातील ‘सुपर एट’ स्तरासाठी पात्र ठरण्याची शर्यत भडकू शकते. पात्रता परिस्थिती गुंतागुंतीची होऊ शकते.

स्कॉटलंडचा कर्णधार रिची बेरिंग्टन फॉर्ममध्ये असून त्याने नामिबियाविरुद्ध नाबाद अर्धशतक केलेले आहे. आपले अव्वल तीन खेळाडू जॉर्ज मुन्से, मायकेल जोन्स आणि ब्रँडन मॅकमुलेन हेही फॉर्ममध्ये येतील, अशी त्याला आशा असेल. दुसरीकडे, ओमानने त्यांच्या दोन्ही सामन्यांत फलंदाजीत सुमार प्रदर्शन घडविलेले आहे.

सामन्याची वेळ : रात्री 10.30 वा. (भारतीय वेळेनुसार)