स्कार्लेट जॉन्सनने पुत्राला दिला जन्म

ब्लॅक विडो चित्रपटातील अभिनेत्री स्कार्लेट जॉन्सनने पुत्राला जन्म दिला आहे. अभिनेत्रीचा पत्र आणि कॉमेडियन कॉलिन जोस्टने पुत्राच्या जन्माचा आनंद व्यक्त करणारी पोस्ट इन्स्टाग्राम अकौंटवर शेअर केली आहे.

स्कार्लेट तसेच कॉलिन यांनी स्वतःच्या पुत्राचे नाव ‘कॉस्मो’ ठेवले आहे. कॉलिन यांनी चाहत्यांना प्रायव्हसी जपण्याचे आवाहन केले आहे. मुलासाठी कुठलीच विशेष पॉलिसी ठरविलेली नसल्याचे त्यांनी म्हटले आहे.

कनेक्टिकटच्या रिजफील्ड प्लेहाउसमध्ये स्टँडअप कॉमेडी करताना कॉलिन यांनी स्कार्लेट गरोदर असल्याचा खुलासा केला होता.  स्कार्लेट आणि कॉलिन यांनी परस्परांना 3 वर्षांपर्यंत डेट केल्यावर ऑक्टोबर 2020 मध्ये विवाह केला होता. या विवाहसोहळय़ात कुटुंबीय आणि केवळ मित्रपरिवार सामील झाला होता. दोघांच्या विवाहाची घोषणा अमेरिकेच्या ‘मील्स ऑन व्हील्स’ नावाच्या एका इन्स्टाग्राम अकौंट पेजवर करण्यात आली होती. हे पेज एका चॅरिटीच्या नावावर आहे. या प्लॅटफॉर्मद्वारे वृद्धांना भोजन आणि आवश्यक सामग्री पुरविली जाते.