शिल्पाचा ‘निकम्मा’ 17 जूनला होणार प्रदर्शित
अभिनेत्री शिल्पा शेट्टीचा आगामी चित्रपट ‘निकम्मा’च्या प्रदर्शनाची तारीख जाहीर झाली आहे. हा चित्रपट 17 जून रोजी चित्रपटगृहांमध्ये प्रदर्शित होईल. या चित्रपटात शिल्पासोबत अभिमन्यू दसानी आणि शर्लीन सेतिया देखील दिसून येणार आहे. निकम्माचे दिग्दर्शन शब्बीर खानने केली असून सोनी पिक्चर्स इंडियाने याची निर्मिती केली आहे.
शिल्पाने 13 वर्षांनी मोठय़ा पडद्यावर पुनरागमन केले आहे. आमच्या चित्रपटाच्या प्रदर्शनाची तारीख जाहीर झाल्याने मी आनंदी आहे. प्रेक्षकांना स्वतःचा एक वेगळा अवतार दाखविण्याची प्रतीक्षा करू शकत नाही. एक अभिनेत्री म्हणून 13 वर्षांनी चित्रपटगृहांमध्ये परतणे चांगले वाटत आहे. या चित्रपटातील माझी भूमिका आव्हानात्मक होती, असे शिल्पाने म्हटले आहे. चाहत्यांचे पूर्ण समर्थन अन् प्रेम मिळेल अशी अपेक्षा असल्याचे शरलीनकडून म्हटले गेले.
शब्बीर खान यांनी यापूर्वी हीरोपंती आणि बागी या चित्रपटांचे दिग्दर्शन पेले आहे. हे दोन्ही चित्रपट बॉक्स ऑफिसवर सुपरहीट ठरले होते. निकम्मा हा चित्रपट निव्वळ मनोरंजन करणारा चित्रपट असल्याचे मानले जात आहे. तर अभिनन्यू दसानी हा भाग्यश्री पटवर्धन यांचा पुत्र आहे.