बुलंदशहर हिंसाचारातील आरोपींवर देशद्रोह गुन्हा

लखनौ / वृत्तसंस्था

2018 च्या बुलंदशहर जमाव हिंसाचार प्रकरणातील आरोपींविरुद्ध देशद्रोहाचा गुन्हा दाखल करण्यास उत्तर प्रदेशमधील स्थानिक न्यायालयाने परवानगी दिली आहे. या हिंसाचारात एका पोलीस अधिकाऱयासह दोघांचा मृत्यू झाला होता. बुलंदशहरमधील चिंगरावती गावाबाहेर गाय मृतावस्थेत सापडल्यानंतर हिंसाचार सुरू झाला होता. या हिंसाचारात पोलीस निरीक्षक सुबोध कुमार सिंग आणि स्थानिक रहिवासी सुमित यांचा मृत्यू झाला होता.